.jpg)
کابل‌ده سویا سوتی نی ایشلب چیقاره‌دیگن بیرینچی ایش‌خانه مسئولری‌نینگ ایتیشیچه، اوشبو سوت یوقاری ییگولیک ارزشی گه ایگه بولگن و حکومت مذکور سوت نی خوفسیزلیک کوچلری‌نینگ آذیق-آوقت نی رویخطی گه کیریتیشی کیره‌ک.
کابل‌ده سلام‌وطندار بیلن صحبت اوتکزگن سویا سوتی نی ایشلب چیقاره‌دیگن ایش‌خانه باشلیغی عبدالله فیضی‌نینگ ایتیشیچه، حکومت اوشبو محصول دن امنیتی کوچلرنی آذیقلنتریش اوچون استعمال قیلگن صورتده، مملکت‌ده سوت وارداتی کمه‌یب و ایکینچیلرنی اقتصادی یخشی بولیشی ممکن.
سویا سوتی ایشلب چیقاره‌دیگن ایش‌خانه بیر ییل دن بویان ایش گه باشلنگن و کونده کمیده 3 مینگ لیتر سویا سوتی ایشلب چیقاره‌دی. مذکور ایش‌خانه مسئولری‌نینگ ایتیشیچه، کونده 25 مینگ لیتر سوت ایشلب چیقاریش امکانیتی گه ایگه‌لر و ریکالمه آرقلی اهالی‌نینگ مذکور سوت فایده‌سیدن خبردار قیلیش اوچون حرکت قیله‌دیلر.
.jpg)
ایکینچیلک، سوولنتریش و چارواچیلیک وزیرلیگی سوزلاوچیسی اکبر رستمی‌نینگ ایتیشیچه، جمهور رئیس‌نینگ بویروغی اساسیده، خوفسیزلیک کوچلری‌نینگ آذیق-آوقتی نی رویخطی گه ایچکی محصولات‌لر اینیقسه ینگی میوه یانیده سویا سوتی نی جایلشتریش اوچون سوزلشوولرنی دوامی بار.
سویا سوتی نی ایشلب چیقاره‌دیگن ایش‌خانه مسئولری‌نینگ ایتیشیچه، حاضر اوشبو ایش‌خانه‌ده 10 عیال شامل 70 کیشی ایش قیله‌دیلر و بو ایش‌خانه سویا دانه‌سی نی تولید قیله‌دیگن 400 ایکووچی بیلن قراردادی بار.
مسئولرنینگ ایشانچی گه کوره، مملکت‌ده سویا سوتی‌دن فایده‌لنیش رواجلنگن صورتده، مذکور ایش‌خانه ایشلاوچیلری 400 کیشی گه یوقاری کیتیب و 3500 دن آرتیق سویا تولید قیله‌دیگن ایکووچی بیلن قرارداد قیلیش‌لری ممکن.
