پرون د خوست مرکز متون ګلزار اکا سیمه کې نامعلومو کسانو د اووم ټولګي زدهکوونکي څخه چې د ازموینو لهپاره د خپل کلي تر څنګ یوې غونډۍ باندې په مطالعې بوخت و؛ په بېخ کې ژبه پرې کړې.
دغه زدهکوونکی نظامالدین نومېږي، ۱۳ کاله عمر لري او په خوست کې د پو هاند عبدالحی حبیبي لېسې اووم ټولګي کې زدهکړې کوي.
نظامالدین چې ژبه یې غوڅه شوې؛ خبرې نهشي کولی او نه یې هم تر اوسه د پېښې په تړاو په اشارو کې څه ویلي دي.
د خوست د امنیې قوماندانۍ ویاند عبدالبصیر بینا سلام وطندار سره په اړیکه کې پېښه تاییدوي؛ خو وایي چې کشفي ارګانونه د پېښې په لټه کې دي او تر اوسه یې په تړاو څوک نهدي نیولي.
خو د سیمې اوسېدونکیو په وینا، د دې ماشوم کورنۍ شخصي دوښمنۍ لري او یو ځل پخوا هم د سړي تښتوونکیو لهخوا تښتول شویو چې بیا د پولیسو لاس په مرسته راخوشې شو.
ګلزار اکا خوست ښار ته په څو کیلومترۍ کې نږدې پرته سیمه ده.
