په خوست ښار کې د فوټبال لوبغالي ته څېرمه نن ورځ شاوخوا ۸:۳۰ بجې د کمپاین پر ځواکونو موټر بم چاودنه شوې، چې ۲۲ تنو ته مرګ ژوبله اوښتې ده.
د دې ولایت د عامې روغتیا سرپرست ګل محمدین محمدي سلام وطندار ته وویل، له چاودنې ۱۴ مړي او ۸ تنه ټپیان روغتونونو ته ور وړل شوي دي.
محمدي وايي، د ټپیانو له ډلې د یو تن روغتیايي حالت نازک دی.
د خوست امنیه قوماندان فیض الله غیرت سلام وطندارته وویل، په چاودنه کې ۱۰ کسان وژل شوي دي او ۱۰ نور ټپيان دي.
غیرت وايي، په ټپيانو کې نظامي او ولسي خلک شامل دي.
د چاودنې مسوولت تراوسه هېڅ وسله والې ډلې اخیستی نه دی.
