خوست ولایتی نینگ عیال مدنی فعاللری، خاتین – قیزلرنینگ فعالیتی اوتگن ییللرگه قره‌گنده بو ولایتده کمه‌یگن دیدیلر.
خوست یاشلر پارلمانی نینگ اعضاسی شمیم ثانگه نینگ سلام‌وطندارگه ایتیشیچه، اوتگن ییللرده فرهنگی عیاللر آرقه‌لی شعر خوانلیک دوره‌لری اویوشتیریلردی. لیکن، حاضر ایسه ولایت خاتین قیزلر اداره‌سی نینگ اعتبار قره‌تمه‌گنی اوچون بو قبیل فعالیتلر توختلب قالگن.
مذکور عیال گه کوره، ولایت خاتین –قیزلر اداره‌سی سونگی ایکی ییل ایچیده عیاللر فعالیتی‌گه عاید هیچ بیر مدنی و فرهنگی ایش قیلمه‌گن.
اما، خوست ولایتی عیاللر اداره‌سی نینگ رییسی، اوتگن ییللرده خارجی اداره‌لر تورلی بولیملرگه عیاللرگه همکارلیک قیلردی؛ بیراق حاضر ایسه بو وضعیت اوزگرگن دیدی.
ولایت اخبارات و مدنیت ریاستی نینگ سرپرستی نجیب‌الرحمن نینگ سوزلریگه کوره، عیاللرنینگ فرهنگی فعالیتی نا دولت تشکیلاتلر آرقه‌لی حمایت بولگن حالده کوچلنه‌دی. او، بو توغریده حکومت همکارلیک قیلیشی‌گه قره‌مسده لیکن بو قتلم هنوزهم جدی حمایت‌گه احتیاجی بار دیدی.
