بوگون «چهارشنبه» خوست ولایتی‌نینگ عیاللریدن اونلرچه‌سی 8- مارچ، دنیا عیاللری‌نینگ بیردملیک ایامی مناسبتی بیلن یولگه قویگن مراسم ده ایتیشیچه، بوندن کیین حیات‌لریده عمر یولداشی تنلش‌ده اوزلری سهم‌دار بولیشنی ایسته‌یدیلر.
اولرگه کوره، خوست عیاللری عایله‌لری‌نینگ ایستک‌لریگه قربان بولیشنی ایستمه‌یدیلر.
اولرنینگ ایتیشیچه، دین عالم‌لری ایریم موضوعلر خصوصیده کوپلب صحبت قیله‌دیلر؛ بیراق عیاللر هم اوز تقدیرلری توغریسیده قرار آلیش اوچون حقلری بارلیگی خصوصیده هیچ نرسه دیمه‌یدیلر.
خوست عیاللری گه کوره، قیزلر تورموش‌گه چیقیشی خصوصیده، عایله بویوک‌لری بیلن مصلحت قیلینیشی کیره‌ک؛ بیراق اولر قیزلرینی مشخص مبلغ بدلی‌ده ساتمس‌لری لازم.
ملی آرمان نهادی‌نی باشلیغی زینب افغان نینگ ایتیشیچه، عایله‌لر، قیزلرنینگ معلوماتی بولمه‌گن بیر چاغده، اولرنی تورموش‌گه بیره‌دیلر و اوشبو حرکت عیاللرگه قرشی زوراوانلیک کوپه‌یشی‌گه سبب بوله‌دی.
خانم افغان نینگ ایتیشیچه، قیزلرنینگ اوز ایستک‌لری اساسیده تورموش قوریش‌لری کیره‌ک.
اونینگ کوپه‌یتیریشیچه، اوشبو ولایتده بیر عایله قیزی‌نی 1 میلیون افغانی بدلی‌ده تورموش‌گه چیقارگن صورتده، اونینگ قوشنی‌سی و اقارب‌لری اوز قیزلرینی 1.2 میلیون افغانی بدلی‌ده تورموش‌گه چیقاریش اوچون سعی و حرکت قیله‌دی.
اوشبو ولایتده ناپسد رسم‌ورواج‌لرنینگ حاکم بولگنی باعث، عیاللر چکه‌سیده، کوپ قطار ایرکک‌لر هم اوز ایسته‌گی‌گه تورموش قوریش‌گه موفق بولمه‌یدی.
اسلام دینی نظریدن تورموش قوریش اوچون ایرکک و قیزنی رضایتی اونملی دیر؛ بیراق افغانستان قطار بولیم‌لریده قیزلرنی رضایتی بولمه‌گن بیر چاغده، تورموش‌گه بیره‌دیلر.
شوتوغریده…
