اوتگن کون خوست ولایتی، کوت تومنی‌نینگ نادرشاه منطقه‌سیده حربی کوچلرنینگ بیرینچی لواسیده‌گی مسجدی گه یوزبیرگن خودکش هجوم‌ده 27 عسکر هلاک و باشقه 79 عسکر تَن‌جراحتی کوتارگن.
گرچند بیرینچی معلومات‌لر اساسی‌ده، 12 کیشی هلاک و 33 کیشی یره‌لنگن ایدی؛ بیراق آتی فاش ایتیلیشی نی ایستمه‌گن خوفسیزلیک رسمی‌لردن بیریسی‌نینگ سلام‌وطندارگه ایتیشیچه، اوشبو حادثه‌ده 27 عسکر هلاک و باشقه 79 عسکر یره‌لنگن.
بوندن آلدین خوست عامه‌ساغلیک ریاستی باشلیغی حادثه یره‌دارلریدن 44 ته‌سی اوشبو ولایت ولایتی کسلخانه‌سیده، باشقه 35 کیشی خصوصی کسلخانه‌لرده و باشقه بیر قطاری کابل‌ده انتقال بیریلگنیدن خبر بیرگن ایدی.
کینگ خوفسیزلیک‌که ایگه بولگن حربی مرکزی‌ده اویوشتیریلگن هجوم، اهالی و بیلیم‌دانلرنی خواطرگه سالگن.
خوست رسمی‌لری‌نینگ ایتیشیچه، هجومچی قندی بیر شکلده اوشبو ییرده کیرگنی حاضرگچه بیلی بولمه‌گن.
حاضرگچه بیرار گروه یا شخص حادثه مسئولیتی نی بوینیگه آلمه‌گن.
