غزنی ولایت مقامی نینگ مطبوعاتی دفتری، 3 کون آلدین بیرخبرنامه آرقه‌لی خلیل اندرابی نی اوشبو ولایتده پولیس قومندانی صفتیده تعیین‌لنگنیدن خبرگن ایدی.
بیراق، مملکت باش قاره‌لاوچیلیک اداره‌سی نینگ ایتیشیچه، غزنی ولایتی نینگ ینگی پولیس قومندانی خلیل اندرابی، 1396- ییل عقرب آیده اداری فسادگه قرشی کوره‌ش عدلی و قضایی مرکزی نینگ دستلبکی محکمه‌سی تامانیدن بیر ییل قماققه محکم بولگن، بیراق استیناف محکمه‌سی تامانیدن برائت آلگن ایدی.
جناب اندرابی طالبان گروهی‌گه یاردم بیریش و اوشبو گروه نینگ یره‌دار قومندانلریدن بیرینی انتقال بیریش‌گه عیب‌لنگن ایدی.
مملکت باش قاره‌لاوچلیک اداره‌سی نینگ ایتیشیچه، جناب اندرابی نینگ صلاحیت‌لریدن ناتوغری فایده‌لنگنی خصوصیده هم دوسیه‌سی بار.
جناب اندرابی 3 ییل آلدین میدان‌وردک ولایتیده امنیتی کوچلرنینگ اعاشه‌سینی حیف و میل قیلیش عیبی بیلن اداری فسادگه قرشی کوره‌ش عدلی و قضایی مرکز تامانیدن بیر ییل و 6 آی قماققه محکوم بولگن ایدی.
ایتیلیشیچه، غزنی ولایتی نینگ ینگی پولیس قومندانی‌نی، حاضرده مملکت باش قاره‌لاوچیلیک اداره سیده 4 ته دوسیه‌سی بار.
غزنی مملکت مرکزی ولایت‌لریدن بیری دیر و طالبان گروهی مذکور ولایتده کینگ شکلده فعالیت قیله‌دی.
