افغانستان تینچلیگی بوییچه آمریکا خاص نماینده‌سی زلمی خلیل‌زاد، افغانستان‌لیکلرارا سوزلشوولرنی «نظیرسیز» بیر فرصت دیب و بو فرصتدن فایده‌لنیش اوستیگه اورغوله‌گن.
افغانستان تینچلیگی بوییچه آمریکا خاص نماینده‌سی، بوگون (یکشنبه ۳۰- سنبله) بیر توییت یازیب ایتیشیچه، بیرلشگن ملتلر تشکیلاتی افغانستان تینچلیگی خصوصیده بیر اعلامیه نشر قیلگن کیم اونگه، دنیا جماعه چیلیگی نینگ افغانستان توغریسیده بولگن وعده‌لری «حاکمیت، ایرکین‌لیک و ملی بیرلیک» اوستیگه اورغوله‌گن.
خلیل‌زاد نینگ اورغولشیچه: «بو افغانستان اوچون نظیرسیز بیر فرصت دیر. افغانستان تامان‌لری بیربیراولری بیلن مذاکره قیلیش گه علاوه، ملی خوفسیزلیک نینگ اعلامیه‌سیگه کیلگندیک مذاکره آرقه‌لی افغانستان تینچلیگی حقیده دنیا مملکت‌لری نینگ کینگ حمایتی بار.»
اونینگ کوپه‌یتیریشیچه، اوشبو نظیرسیز فرصتدن فایده‌لنیش کیره‌ک.
خلیل‌زاد بونده‌ی بیانات‌لرنی ارایه قیلگن بیرحالده، افغانستان دولتی و طالبان گروهی نینگ مذاکره قیلووچی هیأتی مذاکره طرزالعملی نی نهایی قیله آلمه‌گن.
افغانستان دولتی و طالبان گروهی هیأت‌لری نینگ یوزمه‌یوز مذاکره‌سی اوتگن هفته دوحه ده باشلندی. مذکور مذاکره دن بیر هفته اوتیشی بیلن ایکی تامان هیأت‌لری حاضرگچه ایکی عمومی ییغین یولگه قویگنلر و قطار موضوعلر خصوصیده کیلیشگنلر.
اوشبو مذاکره نینگ آچیلیش مراسمی‌ده ۱۳ اروپالیک و آسیالیک مملکت‌لرنینگ تشقی ایشلر وزیرلری قتنشگن ایدی.
