قطر کې د طالبانو سياسي دفتر اعلان کړی چې د امریکا د بهرنیو چارو وزارت ځانګړي استازي زلمي خلیلزاد او په افغانستان کې د ناټو او امریکايي ځواکونو عمومي قوماندان جنرال سکاټ مېلر په دوحه کې له ملا عبدالغني برادر سره ليدلي دي.
د ياد دفتر وياند سهيل شاهين پر خپله ټوېټر پاڼه ليکلي چې لر تر رسېدو مخکې په یوه خبرپاڼه کې ویلي چې د امریکا ځانګړي استازي په دوحه کې له طالب استازو سره د افغانستان د سولې د ولاړې پروسې او د امریکا او طالبانو ترمنځ د شوې موافقې پر عملي کېدو خبرې وکړې.
شاهين د جمعې د ورځې پر ماښام ويلي و چې طالبانو له جنرال مېلر سره په دې خبرې کړې وې چې پر ملکي ځایونو به بريدونه نه کېږي.
دا په داسې حال کې ده چې له دې وړاندې طالبانو د یوې اعلاميې په خپرولو سره ويلي وو چې له امريکا سره د سولې هوکړه د افغانستان دولت او د امريکا له لوري نقض شوې ده.
چې له دې ډلې يو يې هم د طالب بنديانو ژر نه خوشې کېدل وو.
