افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد، قطر ده طالبان گروهی نینگ سیاسی اورین باسری ملاعبدالغنی برادر بیلن اوچره‌شوویده، آمریکا و طالبان شرطنامه‌سی نینگ بیربیراوی بیلن باغلیق بولگنی‌نی بیلدیرگن.
بوگون "پنجشنبه" جناب خلیلزاد نینگ توییتر صحیفه‌سیده یازیشیچه: «ملابرادر و طالبان سیاسی کمیسیونی اعضالری بیلن اوچ مرته اوچره‌شدم. امریکا-طالبان شرطنامه‌سی بیربیراوی بیلن باغلیق بولگنی‌گه تاکید قیلدم: تروریسم‌گه قرشی تعهد، افغانستانلیکلر ارا سوزلشوولر، حربی‌لرنینگ چیقاریلیشی و زوروانلیک کمه‌یتیریلیشی دایمی آتیش‌کیسین‌گه سبب بوله‌دی.»
خلیلزاد نینگ ایتیشیچه: «اوروش‌لر اوزون مدت‌دن بویان افغانستان نینگ گناه‌سیز یشاوچی‌لریدن قربانلیک آله‌دی.»
افغانستان تینچلیک لایحه‌سی بوییچه آمریکا خاص نماینده‌سی نینگ ایتیشیچه، طالبان گروهی شرطنامه و اونینگ عملگه آشیریلیشی خصوصیده تعهدلی بولگنی‌نی بیلدیرگن‌لر.
عین‌حالده، طالبان گروهی نینگ قطرده‌گی سیاسی دفتری سوزلاوچیسی سهیل شاهین نینگ ایتیشیچه، بو گروه سیاسی اورین باسری ملابرادر، زلمی خلیلزاد بیلن اوچره‌شوویده تینچلیک لایحه‌سی سرعت تاپیشی خصوصیده صحبت قیلگن.
اونینگ ملا برادر دن نقل قیلیب ایتیشیچه، شرطنامه کامل صورتده عملگه آشیریلگن صورتده، افغانستان موضوعی حل ایتیله‌دی.
شاهین گه کوره، مذکور اوچره‌شووده ملا برادرنینگ ایتیشیچه: «محبوس‌لرنینگ قوییب یوباریلیشی افغانستانلیکلر ارا سوزلشوولر باشله‌نیشی خصوصیده زمینه یره‌ته‌دی. شرطنامه‌دن باشقه میکانیزم‌لر تینچلیک لایحه‌سی برابریده موانع ایجاد قیله‌دی. حاضرده هم تینچلیک لایحه‌گه زیان ییتیشگن و کوپراق توخته‌تیلگن صورتده، کوپراق زیان ییتیشه‌دی.»
ایتیلیشیچه، افغانستان تینچلیک لایحه‌سی بوییچه امریکا خاص نماینده‌سی زلمی خلیلزاد دوحه ده ملابرادر بیلن اوچره‌شگنیدن سونگ، اوتگن کون کابل‌گه کیلیب جمهور رئیس محمداشرف غنی و عبدالله عبدالله بیلن اوچره‌شگن.
