آمریکا جمهور رئیسی دونالد ترامپ، ییللیک نطقیده آمریکا بیلن طالبان گروهینینگ تینچلیک سوزلشوولری توغریسیده ایتیشیچه، اوشبو سوزلشوولر نتیجه بیرگن صورتده، بیزلر افغانستانده بولگن حربی کوچلریمیزنی کمهیتیریب و ترورچیلیککه قرشی کورهش خصوصیده دقت قیلهمیز.
ترامپ نینگ ایتیشیچه، بویوک مملکتلر سونسیز اوروشلرنی آلغه سورمهیدی و او، تینچلیک سوزلشوولر جریانی نتیجه بیریشی یا-ده بیرمهسینی بیلمهیدی؛ بیراق آمریکا، افغانستانده چمهسی ایکی دهه دوام ایتگن اوروشدن سونگ، بو مملکتده تینچلیک تأمینلنیشی خصوصیده قرار قیلگن.
اونینگ کوپهیتیریشیچه، آمریکا حکومتی طالبان گروهی شامل افغان گروهلریدن بیرقطاری بیلن تینچلیک خصوصیده زمینه یرهتووچی سوزلشوولر اوتکزماقده.
آمریکالیک عسکرلرنینگ باتورلیگیدن تقدیرلب و اولردن منتدارلیک بیلدیرگن جمهور رئیس ترامپنینگ ایتیشیچه، 18 ییللیک قانلی اوروشدن سونگ، حاضر ایسه سیاسی ییچیم یوللر ارا بو اوروشگه نقطه قوییش اوچون سعی و حرکت قیلهدی.
شو توغریده…
- قطر تینچلیک سوزلشوولری؛ طالبلر خلق ارا کفالت طلب قیلگن
خلیلزاد دوحه ییغینی توغریسیده معلومات بیردی
طالبان گروهی و تانیقلی سیاسی سیمالر یوزمه یوز بولدی؛ مسکو ییغینی
جمهور رئیس ترامپ، تینچلیک سوزلشوولر جریانی و افغانستاندن آمریکا حربی کوچلری چیقیشی توغریسیده نطق سوزلهگن بیرچاغده، انچه وقتدن بویان تینچلیک سوزلشوولر جریانی چقانلشگن و افغانستان تینچلیک لایحهسی بوییچه آمریکانینگ خاص نمایندهسی زلمی خلیلزاد، نیچه دور طالبان گروهینینگ نمایندهلری بیلن مذاکره اوتکزگن.
آمریکا نمایندهسی و طالبان گروهینینگ نمایندهلری آرهسیده اوتکزیلگن تینچلیک سوزلشوولرینی سونگی دوری قطرنینگ دوحه شهریده اوتکزیلدی و نتیجهده ایکی تامان تینچلیک جریانینینگ چارچوبهسی اوستیگه کیلیشدیلر.
عین حالده، افغانستان سیاسی رهبرلری و سابق حکومت رسمیلریدن بیرقطاری، اوتگن کون مسکوده طالبان گروهینینگ هیأتی بیلن بیر ییغین باشلهدی. اوشبو ییغین بوگون هم دوام ایتیشی خصوصیده قرار قیلینگن.
