آمریکا هیأتی و طالبان نماینده‌لری آرسیده‌گی سوزلشوولرنینگ بیشینچی دوری قطرنینگ دوحه شهریده باشلنگن.
افغانستان تینچلیگی بوییچه آمریکا خاص نماینده‌سی زلمی خلیلزاد قطرده بارگنیدن کیین تویتیر صحیفه‌سیده یازیشیچه، اونملی وقتلر ییتیب کیلگن و جدی ایشلر باشله‌نیشی ممکن.
افغانستان تینچلیگی بوییچه آمریکا خاص نماینده‌سی‌نینگ ایتیشیچه، طالبلرنینگ رسمی هیأت‌لری بیلن جدی موضوع‌لر توغریسیده صحبت اوتکزیش‌لری ممکن.
طالبان گروهی‌نینگ قطرده‌گی دفتری مسئولی و سیاسی اورین باسری ملا عبدالغنی برادر، آمریکا هیأتی بیلن صحبت اوتکزیش اوچون دوحه گه کیتگن بیر چاغده، جناب خلیلزاد طالبان گروهی بیلن سوزلشیشی توغریسیده خبر بیرگن.
کمیده بیر آی آلدین، قطر باشکنتی دوحه گه آمریکا نماینده‌لری و طالبان تامانیدن سوزله‌یدیگن هیأت 6 کون افغانستان تینچلیگی و کیله‌جگی توغریسیده صحبت اوتکزگن ایدیلر.
شو توغریده:
