جمهور رئیس غنی اوتگن کونی شام چاغیده، افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد بیلن اوچره‌شیب تینچلیک سوزلشوولر خصوصیده صحبت قیلگن.
اوشبو اوچره‌شووده جمهور رئیس غنی‌نینگ ایتیشیچه، تینچلیک سوزلشوولرده منطقه‌یی، خلق ارا و اسلامی مملکت‌لر اجماع‌سینی نظرگه آلیب و اونینگ اساسی‌گه بیر چارچوب تنظیم قیلیش کیره‌ک.
غنی‌نینگ کوپه‌یتیریشیچه، طالبان گروهی و پاکستان‌نینگ بیربیراولری بیلن مناسبت‌لری بیللی قیلینسین و طالبلرنی ترورچیلیک و اقتصادی شبکه‌لر بیلن بولگن رابطه‌لری بیللی ایتیلسین.
زلمی خلیلزادنینگ ایتیشیچه، تینچلیک سوزلشوولرنی افغانستان حکومتی‌نینگ محوریتی‌گه بولیشی کیره‌ک و تامین ایتیله‌دیگن تینچلیک دایمی بولیب و بوتون ارزش‌لرنی سقله‌نیشی کیره‌ک.
شوتوغریده…
- خلیلزاد: تینچلیک اولویتی افغانستانلیک‌لر ارا سوزلشوولر باشله‌نیشی دیر
خلیلزاد: تینچلیک کیلیشوو اولویت‌گه قرار تاپگن
خلیلزاد و تینچلیک؛ فیل نی بیر لقمه گه یوتیب بولمه‌یدی
اونینگ کوپه‌یتیریشیچه، تینچلیک سوزلشوولردن آمریکانینگ مقصدی قاچیب کیتیش ایمس، بلکیم دایمی تینچلیک‌نی تامین قیلیش و تینچلیک تامین ایتیلگنی‌دن سونگ، ایکی مملکت رابطه‌سینی کوچ‌لی قیلیش دیر.
افغانستان تینچلیک لایحه‌سی بوییچه آمریکا خاص نماینده‌سیگه کوره، آمریکا، افغانستان و منطقه مملکت‌لری منفعتی‌گه بولگن تینچلیک‌نی ایسته‌یدی.
خلیلزادنینگ ایتیشیچه، افغانستان تینچلیک لایحه‌سی خصوصیده منطقه مملکت‌لری‌نینگ ایجابی فکرینی آلیش اوچون سعی و حرکت قیله‌دی و پاکستان‌دن بو ولایحه‌ده عملی همکارلیک قیلیشی‌نی ایسته‌یدی.
افغانستان بوییچه آمریکا خاص نماینده‌سینی کوپه‌یتیریشیچه، (طالبلرنینگ القاعده بیلن رابطه‌سی‌نینگ قندی‌لیگی، چیت‌ایللیک کوچلرنینگ حضوری، افغانستان حکومتی بیلن یوزمه‌یوز مذاکره و آتش کیسین) خصوصیده کیلیشیلگن حالده، تینچلیک سوزلشوولرنینگ پیشرفت‌لری حاصل بوله‌دی.
