افغانستان تینچلیک لایحهسی بوییچه آمریکا تشقی ایشلر وزیرلیگی نینگ خاص نمایندهسی زلمی خلیلزاد، تینچلیک سوزلشوولرنینگ 9- دوری یکونلنگنیدن سونگ، کابلگه کیلیب ملی بیرلیک حکومتی نینگ رهبرلری بیلن اوچرهشگن.
جمهورلیک ریاستی نینگ بیرخبرنامه آرقهلی علان قیلیشیچه، جناب خلیلزاد بوگون "دوشنبه" توشدن سونگ، مملکت جمهور رئیسی محمداشرف غنی بیلن جمهورلیک سرایی ده اوچرهشگن.
جناب خلیلزاد "دوشنبه" کونی توشدن آلدین ملی بیرلیک حکومتی نینگ اجرایی ریاستی باشلیغی عبدالله عبدالله بیلن هم اوچرهشگن دیر.
اجرایی ریاستی نینگ ایتیشیچه، اوشبو اوچرهشووده جناب خلیلزاد تینچلیک سوزلشوولر 9- دوری خصوصیده جناب عبدالله گه معلومات بیریب و دایمی تینچلیک تامین ایتیلیشیدن ایشانچ بیرگن.
ملی بیرلیک حکومتی نینگ اجرایی ریاستیگه کوره، جناب خلیلزاد کابلگه تینچلیک سوزلشوولر بوتون طرفلری بیلن صحبت قیلهدی.
جمهورلیک ریاستی و اجرایی ریاستی مذکور اوچرهشوولر خصوصیده کوپراق معلومات بیرمهگن.
بیراق، جمهورلیک ریاستی نینگ ایتیشیچه، بو بحث خصوصیده بولگن معلوماتلر کیلهجک اوچرهشوولرده اهالی بیلن شریک ایتیلهدی.
قطرده آمریکا و طالبان نمایندهلری آرهسیده بولگن تینچلیک سوزلشوولرنینگ 9- دوری اسد آی نینگ 31 ده باشلب و اوتگن کونی یکونلندی.
