خلق ارا کیچیریم تشکیلاتی نینگ ینگی گزارشی ده ایتیلیشیچه، افغانستان انسان حقوقی حمایه‌چی‌لری اوچون اینگ یامان جای بولگن.
مذکور تشکیلات نینگ اعضالریگه کوره، افغانستان دولتی تامانیدن انسان حقوقی حمایه‌چی‌لریگه قرشی زوروانلیک، قتل و تهدید دوسیه‌لری تیکشیریلیشی اوچون هیچ بیر لایحه توزه‌لمه‌گن.
بوگون «چهارشنبه، 6- سنبله» کابلده خبری بیر ییغین اوتکزگن خلق ارا کیچیریم تشکیلاتی نینگ جنوبی آسیا بولیمی اورین باسری سیدعمر ورئیچ نینگ ایتیشیچه، افغانستانده انسان حقوقی حمایه‌چی‌لری طالبان، داعش، ثروتمندلر، ناقانونی قوراللی کیشی‌لر و شونینگدیک، دولت تامانیدن تهدید قیلینه‌دی.
جناب ورئیچ گه کوره، انسان حقوقی حمایه‌چی‌لریگه قرشی تهدیدلر ایریم پیت‌لر اولرنینگ اولیمی گه سبب بوله‌دی و بو موضوع باعث، افغانستان انسان حقوقی حمایه‌چی‌لری اوچون اینگ یامان جای تانیلگن.
خلق ارا کیچیریم تشکیلاتی نینگ جنوبی آسیا بولیمی اورین باسری نینگ ایتیشیچه، انسان حقوقی حمایه‌چی‌لریگه حرمت قیلیش، اولردن حمایت قیلیب و خوفسیزلیک‌لرینی تأمین‌لش و انسان حقوقی حمایه‌چی‌لریگه قرشی زوروانلیک دوسیه‌لر توغریسیده تدقیقات اوتکزیش افغانستان حکومتی نینگ وظیفه‌سی دیر.
خلق ارا کیچیریم تشکیلاتی نینگ جنوبی آسیا بولیمی تدقیقاتچیسی زمان سلطانی نینگ ایتیشیچه، افغانستان دولتی انسان حقوقی حمایه‌چی‌لری نینگ جانلری سقله‌نیشی توغریسیده سوز بیرگن، بیراق بو توغریده حاضرگچه عملی بیر ایش بولمه‌گن.
جناب سلطانی گه کوره، انسان حقوقی گه تیگیشلی قضیه‌لر تیکشیریلیشی اوچون افغانستان دولتی نینگ هیچ بیر لایحه‌سی یوق دیر.
جمهورلیک ریاست سوزلاوچیسی صدیق صدیقی نینگ ایتیشیچه، حکومت هردایم افغانستانده انسان حقوقی حمایه‌چی‌لری نینگ خوفسیزلیگی تأمین‌لنیشی توغریسیده سعی و حرکت قیلگن.
خلق ارا کیچیریم تشکیلاتی نینگ گزارشی اساسیده، میلادی 2015- ییل‌دن بویان افغانستان انسان حقوقی حمایه‌چی‌لریگه قرشی کمیده ایکی قتل، نیچه واقعه کلتک‌لش، سوءقصد و اونلرچه تهدید رویخط‌گه آلینگن.
شو توغریده…
خلق ارا کیچیریم تشکیلاتی خلق ارا جنایی محکمه قرارینی قاره‌له‌دی
