.jpg)
انتقالی عدالت اویغون گروهی‌نینگ اعضالری‌دن بیری شنبه کونی کابل ده یوزبیرگن قانلی واقعه‌نی انسانیت‌گه قرشی جنایت دیب، ترور قربانلری‌‌نینگ عایله اعضالری‌دن خلق آرا جنایی محکمه گه عصیانچی گروه لردن شکایت قیلیش‌لرینی طلب قیلگن.
سلام وطندارگه صحبت بیرگن انتقالی عدالت اویغون گروه اعضاسی و خلق آرا حقوقی ایش بیلرمانی احسان قانع نینگ ایتیشیچه، افغانستان حکومتی و دنیا جماعه چیلیگی عصیانچیلیک واقعهلرینی یالغیز قرالب اوته دیلر و اولردن هیچ قندی عملی ایش کورینمیدی.
قانع‌گه خلق‌آرا جنایی محکمه گه شکایت قیلیش افغانستان‌ده ترورچیلیک حادثه سیگه بولگن یاشیرین قوللرنی انیق لنیشی‌گه سبب بولیشی ممکن.
اونگه کوره خلق‌آرا جنایی محکمه افغانستان‌‍نینگ ترورچیلیک حادثه‌سینی تیرگاو گه آلیشی افغانستان حکومتی‌گه ترورچی گروه لرنی همده یاردمچیلرینی محکمه‌گه راجع قیلیش امکانیتینی بیره‌دی.
.jpg)
انتفالی عدالت اویغون گروه اعضاسی هادی معرفت نینگ معلوم قیلیشیچه خلق‌آرا جنایی محکمه لرده اولگن کیشی لرعایله لری‌نینگ شکایت قیلیشی، مذکور دادگاه افغانستان‌ده گی انسانیت گه قرشی بولگن جنایتلر گه «روم» قانونی اساسیده عمل قیلیشی ممکن.
معرفت افغانستان نینگ قضایی سیستمی خلق‌گه قرشی جنایتلرگه ییتیشیش کوچی یوقلیگینی ایتیب همده خلق‌آرا جنایی محکمه لرده شکایت قیلیش عدالتنی تامین‌لش گه فرصت یره‌تیشی ممکن دیدی.
انتقالی عدالت اویغون گروه اعضاسی مملکت یشاووچیلرنی جاری ییل جنوری آیی نینگ 31- سی گچه خلق آرا جنایی محکمه لرده شکایت قیلیش امکانیتی بارلیگینی ایتگن. خلق‌آرا جنایی محکمه سی ایکی آیدن بیری افغانستان‌ده ایش گه باشله‌گن. مذکور محکمه نینگ فعالیت گه باشلش مقصدی خلق گه قرشی جنایتلر و 2003 – ییل دن کیین بولگن اوروش جنایتلرینی تیکشیریش دیر.
