افغانستان کریکت فدراسیونی الکوزی شرکتی بیلن اون ییل‌لیک مالی حمایه‌وی کیلیشیک‌گه قول قویدی. مذکور کیلیشیک 28- ثور دوشنبه کونی کابل‌ده، کریکت تیرمه جماعه‌سی‌نینگ اجرایی باشلیغی شفیق‌الله ستانکزی و الکوزی شرکتی‌نینگ باشلیغی میرویس سیال‌لر آرقه‌لی امضالندی.
خبری انجمن‌ده سوزگه چیقیش قیلگن شفیق‌الله ستانکزی‌نینگ ایتیشیچه، کیلیشیک اساسی‌ده هرییل الکوزی شرکتی تامانیدن افغانستان کریکت تیرمه جماعه‌سیگه 1.3 میلیون دالر بیریله‌دی.
جناب ستانکزی‌گه کوره، تولنه‌دیگن پول، گینه افغانستان کریکتی جهانی بیله شوولرده قوشیلیشی اوچون ایمس. بلیکم، یاش کریکت علاقه‌مندلریگه اورگه‌تیش زمینه‌سی هم یره‌تیله‌دی.
اولکه کریکت تیرمه جماعه‌سی‌نینگ باشلیغی‌گه کوره، فدراسیون‌نی مالی قول‌له‌ش ظرفیت اوستیریش و آلغه باریشی اوچون بنیادی ایش بوله‌دی و بیرییل‌دن بویان بوتوغریده هیچ قنقه یاردم بولمه‌گن ایکن.
جناب ستانکزی‌نینگ کوپه‌یتیریشیچه، مذکور پول اوچ مرحله‌ده کریکت تیرمه جماعه‌سی اختیاریگه قویله‌دی، ایچکی بیله شوولرده و تشقی اولکه‌لرده اوتکزیله‌دیگن بیله شوولرده اویینچی‌لر سفری‌گه توله‌نیش بولیم‌لریده مصرف بولیشی ممکن.
کریکت اجرایی باشلیغی، مذکور کیلیشیک اساسی‌ده موندن کیین اویینچی‌لر کییم‌لریده الکوزی شرکتی‌نینگ تجارتی لوگوسی یاپیشتیریلیشی‌نی اورغوله‌دی.
میرویس سیال، مذکور شرکت ساتیش بولیمی‌نینگ باشلیغی کیلیشیک امضالنیش پیتی‌ده اولکه کریکت تیرمه جماعه‌سی بیلن کیلیشیک امضالنشی بوشرکت‌گه افتخار بیلدیردی.
جناب سیال، ورزشکارلر تینچلیک سفیرلری و الکوزی شرکتی ورزشکارلرگه سهولت کیلتیریش اوچون سهم آلیشی‌گه افتخار قیله‌دی دیدی.
موندن آلدین افغانستان فوتبال تیرمه جماعه‌سی اتصالات مخابراتی شرکتی بیلن کیلیشیک قیلگن ایدی، اما بیرییل‌دن بویان مذکور کیلیشیک کیسیلیب قالگن.
