یوونتوس فوتبال تیمی لاتزیو تیمینی ایکی گول اوریش بیلن ایتالیا قهرمانلیک جامی گه غالیب چیقدی. مذکور فوتبال بیلشووی ایتالیادن کیلومترلب اوازقده جایلیشگن چین نینگ شانگهای شهریده اوتکزیلگن.
اوشبو اویینده یوونتوس تیمی ینگی ترکیب بیلن لاتزیو مقابلیده اوینهگن. میدان نینگ بیرینچی یریمیده اوییننینگ اساسی اختیاری یوونتوس فوتبالچیلریده بولیب، سپورت میدانیدهگی کوپینیچه تماشاچیلری یوونتوس تیمینی حمایت قیلگنلر.
اوییننینگ بیرینچی یریمی گول سیز اوز پایانیگه ییتگن. ایکی تیم هم بیر- بیراولرینی گول اوریشگه موفق بولمهگن.
اوییننینگ ایکینچی یریمیده هم یوونتوس تیمی یخشی کورهشیب، اوییننینگ 69 دقیقهسیده بیرینچی گولنی ثمرگه ییتکزیشگه موفق بولگن. مذکور گول اوشبو تیم نینگ ینگی اعضاسی مانژیج تامانیدن ثمرگه ییتکزیلگن.
ثمرگه ییتگن بیرینچی گولدن تورت دقیقه اوتیشی بیلن ایکینچی گول اوزون بویلی اویینچی پوگبا پاسی بیلن دیبالات ارقهلی حریف نینگ دروازه سیگه اوریلهدی. انه شو ترتیب اساسیده یوونتوس قهرمانلیک جامیگه ایریشیشگه موفق بولگن.
اوییننینگ 87 دقیقهلریده لاتزیو فوتبالچیلریگه یرهتیلگن فرصت قولدن بیریلگن. مذکور تیم نینگ اوینچیلری گول اوریش گه موفق بوله آلمهگن.
