افغانستان عیال فوتبالچیلر ملی تیمینینگ سابق کاپیتانی هاجرابوالفضل «سپورتنینگ جسورلیگیدن فایدهلهنیش» خلق ارا مکافاتینی سپورتدن اوستون ناملی تشکیلات تامانیدن قولگه کیریتدی.
سپورتدن اوستون ناملی تشکیلات مذکور مکافاتنی نا برقرار همده اوروش جریانی بولگن منطقهلرده سپورتنی وراجلنتیریش اوچون فعالیت قیلگنلرگه بیرهدی.
میلادی 2008- ییل کابل شهرینینگ مکتبلری اوقووچیلری اشتراکیده اوتکزیلگن مسابقهده خانم ابوالفضل افغانستان عیاللر فوتبال تیمیگه کیریشگه موفق بولگن ایدی.
بیرلشگن ملتلر تشکلاتی میلادی 2016- ییلده خانم هاجرابوالفضلگه یاشلر ایلچیسی لقبینی هم بیرگندی.
شونینگدیک او میلادی 2016- ییلنینگ اینگ یخشی فوتبالچیسی اولهراق تانیلگن ایدی. افغانستان عیاللر فوتبال تیمی میلادی 2004- ییلده ایجاد بولگندی.
شونینگدیک بو تیم 2007- ییلده رسمن فعالیتینی باشلهگن ایدی. حاضرگی کونده 70 اعضادن عبارت مملکت عیاللر فوتبال تیمی اوچ کته گوریهده فعالیت قیلهدی.
