اوتگن کون (فیفا) دنیا فوتبال تیرمه جماعه سینینگ وقتینچهلیک باشلیغی سپ بلاتر خبری انجمن جریانیده، قتنشگنلردن بیرینینگ عجایب بیر ایستگی بیلن روپهره بولدی.
بلاترنینگ خبری ییغینیده تیرگرلیک کوریش پیتیده، اوزینی شمالی کوریا نمایندهسی عنوانیگه کیریتگن برتانیالیک ممثل سایمون برودکین تامانیدن قولیدهگی جعلی آقچه بیلن بلاتردن کیلهسی میلادی 2026 ییلدهگی فوتبال تیرمه جماعه سینینگ جهانی جام اویینلریده شمالی کوریانی میزبان شکلیده آلیش ایسته گینی بیلدیردی.
جناب برودکین، قولیدهگی آقچه لردن بیرقسمینی بلاتر میزینینگ اوستیگه قویدی، کولگینچلیک سوزلری بیلن قولیدهگی قالگن پولنی جناب بلاتر یوزیگه اوردی.
بوعملگه قرشی، جناب بلاتر امنیتی مسؤولرگه خطاب، برودکیننی محلدن چیقاریب تشله شلرینی سورهدی. جناب بلاتر اوزی هم نیچه دقیقه اولتیریش محلینی ترک قیلدی. بومدتده انجمن تامی نینگ قوروقچیلری ساچیب تشلهنگن جعلی آقچهلرنی محلدن تیریب آلدیلر.
نیچه آی آلدین سویس پولیسی فیفا اعضالریدن 14 ته سینی پاره خورلیک و پول یوویشگه قارهلب توتگن ایدی. شومناسبتده جناب بلاتر هم دنیا فوتبال تیرمه جماعهسی ریاستیدن چیکینگن ایدی.
