خورشید خصوصی تلویزیون مسوولی رفیع صدیقی نینگ ادعا قیلیشیچه، کابل ولایتی کینگش اعضاسی فواد صدیقی تامانیدن اولیم‌گه تهدید قیلینیب و قوروقچی‌لری تامانیدن کلتکلنگن.
خورشید خصوصی تلویزیون مسوولی نینگ ایتیشیچه، ولایتی کینگش اوشبو اعضاسی مسکونی اوی‌لر آره‌سیده بنا قوریش‌نی ایسته‌گن و مذکور منطقه‌ده بنا قوریش اوچون هیچ‌قنده‌ی رخصت نامه‌سی یوق دیر.
رفیع صدیقی نینگ ایتیشیچه، بو موضوعی مسوول‌لر بیلن شریک قیلگن، بیراق هیچ‌قنده‌ی جواب قولگه کیریتمهگن و نتیجه ده مذکور کیشی نینگ قوروقچی‌لری تامانیدن کلتکلنگن.
کابل شهری نینگ 4- ناحیه‌سی باشلیغی سمیع‌الله سمسور نینگ اوشبو بنا ناقانونی شکلده قوریلگن. اونینگ ایتیشیچه، ایکی آی آلدین مذکور بنا نینگ قوریلیش ایشی اولر تامانیدن توخته‌تیلگن ایدی، بیراق بنا نینگ قوریش ایشی اوتگن کیچه ناقانونی شکلده قیته‌دن باشلنگن.
عین‌حالده، کابل ولایتی کینگش اعضاسی فواد صدیقی نینگ مذکور ادعالرنی رد قیلیب ایتیشیچه، اوشبو بنانی قوریشدن آلدین مسوول نهادلردن رخصت‌نامه آلگن و رفیع صدیقی بنا نینگ قوریلیشی اوچون اوی ایگه‌سیدن 10 مینگ دالر ایسته‌گن.
نشر قیلینگن ویدیولرگه کوره، کابل ولایتی کینگش اعضاسی فواد صدیقی خورشید خصوصی تلویزیون نینگ مسوولی اوستیگه هجوم قیلیب اونی کلتک‌لیدی.
