افغانستان مدیوتیک اداره‌سی تامانیدن، 1- می ایشلاوچی‌لر خلق ارا کونی‌دن نشانلش مراسمی‌ده افغانستان ایشلاوچی‌لر بیرلشمه‌سی (امکا) مسؤول‌لری‌نینگ ایتیشیچه، ایش قانونی کوپینچه خصوصی اداره‌لر تامانیدن نقض ایتیله‌دی.
اوشبو بیرلشمه باشلیغی معروف قادری‌نینگ ایتیشیچه، ایش قانونی‌گه قیته تیکلنگن، بیراق حاضرگچه نماینده‌لر کینگشی‌گه یوباریلمه‌گن.
جناب قادری‌نینگ کوپه‌یتیرشیچه، افغانستانده برچه اداره‌لر، ایش قانونی‌گه قرشی ایشلاوچی‌لردن ایش آله‌دی و ایریم پیت‌لرده حامله‌لیک تعطیلاتی سبب، عیال‌لرنی ایش‌گه آلمه‌یدیلر.
جناب قادری‌گه کوره، قراردادلردن کوپینچه‌سی بیر تامانلمه و چیت ایل تیل‌لریگه باغلنه‌دی. اونینگ ایتیشیچه، کوپینچه اداره‌لر، یاشلرنینگ مجبوریتی‌دن فایده‌لنه‌دی و نیاز بولمه‌گن صورتده، هیچ نرسه دیمه‌ی ایش‌دن چیقاره‌دی.
قادری‌نینگ ایتیشیچه، دولتی اداره‌لر، ایشلاوچی‌لرنینگ حقوقلرینی نیچه آی جریانیده توللمه‌یدی و بو ایسه، ایش قانونی نقض ایتیلگنینی کورسته‌دی.
بیرینچی «می» ایشلاوچی‌لر خلق ارا کونی‌گه تینگ. بوتون افغانستانده ایش‌سیزلیک میزانی کونساین آشیب کیته‌یاتگن بیرچاغده نشانلنه‌دی و حکومت بو توغریده هیچ قنده‌ی چاره تدبیر کورمه‌یدی.
