د ملي دفاع وزارت سرپرست وزیر اسدالله خالد د طالبانو له بنده د ۵۳ کسانو د خوشې کېدو په اړه جوړې شوې خبري غونډه کې وویل، د ترهګرو پر پټنځایونو د امنیتي او دفاعي ځواکونو عملیاتو د دولت د وسلهوالو مخالفانو روحیه کمزورې کړې ده.
د نوموړي په وینا، د دغو عملیاتو دوام په سیاسي راکړهورکړه کې د بدلون لامل شي او حکومت د هغې سولې ملاتړ کوي چې په هغې کې د ملي پوځ ځواکونه وساتل شي.
خالد له افغان ځواکونو غواړي چې د دوښمن په ناسمو تبلیغاتو و نه غولېږي او له هېواد نه د دفاع په برخه کې خپله دنده او مسوولیت ترسره کړي.
د ملي دفاع وزارت سرپرست وايي، سیاستوال باید د امنیتي او دفاعي ځواکونو، په ځانګړې توګه د پوځ په چارو کې لاسوهنه وکړي او یاد ځواکونه دې هم په سیاسي چارو کې له لاسوهنې ځان وساتي.
اړوند مطالب:
زابل؛ د طالبانو له زندانه د ۵۳ملکیانو او سرتېرو خوشې کېدل
د ولسمشر په فرمان د غور له زندانه ۱۳طالبان ازاد شول
د اسدالله خالد په وینا، خوشې شوي کسان له ۱۰ نه تر ۲۴ میاشتو د طالبانو په بندخونه کې وو چې پهدې موده کې یې ډېرې شکنجې لیدلې او زغملې دي.
دا په داسې حال کې ده چې امنیتي ځواکونو دوه ورځې وړاندې د زابل ولایت په دایچوپان ولسوالي کې د ځانګړیو عملیاتو پر مهال، ۵۳ کسان چې په هغو کې ۳۲ د ملي اردو سرتېري، ۸ ملکیان، ۴ ملي پولیس، ۴ سیمهییز پولیس، ۴ د کومانډو ځواکونه او یو هم د ملي امنیت سرتېری و، د طالبانو له بنده را خوشې کړل.
