آیلیک عادتی یا-ده حیض توغریسیده ترقه تیلگن گزارشلر دوامیده قیزلرنینگ آیلیک عادتی یا-ده حیض دن کورگن تجربهسینی انعکاس بیردیک. بو توپلم ده قیزلردن کوپینچهسی حیاتی نی بو باسقیچی ده قورقینچ و خبرسیزلیکدن شکایت قیلگنلر.
بو گزارش ده عیاللرده بولگن اوشبو طبیعی حادثه، عایله و اجتماع ده بولگن پیاملری توغریسیده عیاللر و توغیلیش توغریسیده متخصص، جماعه شناس و روان شناس بیلن صحبت اوتکزدیک.
عیاللرگه تیگیشلی آیلیک عادت یا-ده حیض کوپینچه مسئلهلر و کسللیکلر کبی تابو سنلهدی و ایریم پیتلر حیض کورگن عیاللرگه قرشی ناتوغری حرکت قیلینهدی؛ باشقه بیر توشونچه بیلن آیلیک عادت کورگن عیاللرنی «ناپاک» سنلهدی. بونده ی حالت ده، کوپینچه عایله لر حیض کورگن عیال گه اوی اسبابلریگه قول اوروش، ییمک و آوقت پشیریش گه رخصت بیرمهیدی.
عیاللرنینگ رحمیدن کلی و مختصر صورتده کیله دیگن قانگه آیلیک عادت دییلهدی. قاعدگی، منس، پریود و حیض اوشبو طبیعی واقعه نینگ باشقه اسمی دیر. آیلیک عادتی 3 – 7 کونگچه دوام قیلهدی.
عیاللرنینگ آیلیگی بیزیم فرهنگ و اجتماع میزده کته اجتماعی قینچلیکده اوزگریلگن و "تابو" حسابلنهدی. عین حالده "تابو" اصطلاحسی خصوصیده معلومات بیریش کیرک. بیرقطار سوزلر و یولباریشلر، رواجلر گه قرگنده توسوق بولگن اولرگه "تابو" دییلهدی.
جامعه شناس، راضیه دانش نینگ هردایم عیاللرگه تیگیشلی بولگن موضوعلرده تابو گونه یول باریلیش خصوصیده ایتیشیچه، عیاللرگه تیگیشلی بولگن موضوعلر نینگ اخلاقی بعد تاپیشی اولر نینگ کته قینچلیکیدن دیر. بیر سنتی جماعه اوشبو بعد که تیگیشلی و اوزگرشلیک ده چیدم لیک ایتهدی. انه شوباعث عیاللر نینگ یششی، کیم طرزی، سوزلشوی و حتا اولر نینگ فکر لری اخلاقی زاویه اساسیده تیکشیریلهدی و عیاللرگه تیگیشلی بولگن اصطلاحلرگه ینگیلیک کیلتریش اوچون اجازه بیرلمیدی.
عیاللر و توغدیریش متخصصی سوسن فقیرینینگ ایتیشیچه، جماعه اینقسه عیاللر نینگ معلومات سیزلیگی عایلهوی زورهوانلیک و ایریم کسلیکلرگه سبب بولهدی.
خانم فقیریگه کوره، یانلیش تعلیماتلر بیرقطار عیاللر نینگ آیلیک عادتی جریانیده اوز لرینی تحریم حالتگه قرار بیریشگه سبب بولگن. اوشبو قیزلر و عیاللر حیض کونلریده اوزلرینی نجس بیلهدی. تناسلی دستگاه نی تازهلشنی ایسدن چیقارهدی. باشقه بیرتاماندن آیلیک عادت خصوصیده یانلیش و سنتی ایشانچلر اولرنینگ کوپنچه یمکلرنی ییشدن قول تارتیشلریگه سبب بولهدی>>
خانم فقیری گه کوره، عیللرنینگ آیلیک عادت نینگ درمانی و اوشبو پیتده تغذیه خصوصیده معلوماتی بولمگنی اولر نینگ کم قانلیگیده سبب بولهدی. خانم فقیری، حیض کورگن عیاللرگه دایمی دوش آلیش و کوچلی ییمکلر ییماقنی توصیه ایتیب و سپورت قیلیشلرینی سورهدی.
عیاللرنینگ خجالت تارتیشی و خرافاتگه ایشانچلری بولگنی آیلیک عادت خصوصیده سوزلشواوچون کته قینچلیک گه اوزگریلیب و گاه گاهی ممنوع بولگن. بیراق اوشبو یالغوز قضیه نینگ زورلیگی ایمس؛ عیاللر ابتدایی حقلرنی قولگه کیلتریش اوچون نهادلر، عایله و اورگتیش ییریگه مناسب بولمگن یول باریش لر بیلن دوچ کیلهدی.
مردسالارلیک فرهنگی نینگ عیاللردن انتظاری اولرنینگ آزگینه حقلریدن قول تارتیشلری دیر. اوشبو وضعیت مذکور پدیده قرشیسیده کورهشه دیگن عیال و ایرککلر برابریده کته قینچلیک نی ییرتهدی.
عیاللرگه تیگیشلی مسئلهلرنی قیینچیلیککه تارتیشدن قول تارتیش و تابو حسابلنهدیگن وضعیتلر نینگ دوامی کوپنچه زمانلرده رابطهلر اورتهدن کیتیش و عایلهوی زوراوانلیکلر اورتهگه چیقیشیگه سبب بولهدی.
روانی کسلخانه نینگ مسوولی ایمل صافینینگ ایتیشیچه، عیاللرنینگ آیلیک عادتی جریانی ده اولر بیلن یول باریشگه ازوگرشلیک کیلتیریش حادی حالت دیر. اوشبو زمانده عیاللرنینگ اوستیدن روانی فشارنی آزیتیریشگه عایلهلر مکلف دیر.
جناب صافی گه کوره، آیلیک عادتی جریانیده روانی اختلاللر عیاللر نینگ فردی رابطهسینی پوشش آستیده قراربیرهدی و اولرنینگ حوصلهسینی آزیتیرهدی. بیراق اوشبو دوران اوتکندن سونگ مزبور نشانهلری اوزیدناوزی یوقلهدی.
جامعه شناسلرگه کوره، عیاللر آیلیک عادتی دورهسیده روحی – روانی لحاظدن ضرر کوریب و سینهدیلر. اوشبو موضوع حساسیتی عیاللرنینگ اجتماعی یششیده تاثیر قویهدی.
جماعه عیاللرینینگ آیلیک عادتی دوریده توسیقلیک یرهتمهگن حالده حیض اوزیدن اوزی اولرگه قیینچیلیک یرهتمهیدی. بیراق تاسف بیلن سوادسیزلیک و قشاقلیک اوشبو موضوع درک ایتیلمهسییگه سبب بولگن.
ایتیلیشچه، قاننینگ کورینیشی اهالینی قیزیقتیرمهیدی. لیکن؛ کون اوتیشی بیلن حقیقی دنیاده زورهوانلیک و قاندن کوپینچه صورتلر ترقهتیلهدی، بیراق ایرککلرگه عیاللرنینگ آیلیک عادتینینگ قانی حاضرگچه راحتسیزلیک ایتهدیگن موضوع دیر. فعال عیاللرگه کوره، عیاللرنینگ طبیعی واقعهسیدن تصویر ترقهتیش عیاللرنینگ تابولرینی اورتهدن یوق ایتیش اوچون یاردم بیرهدی و اولرنینگ ناتوغری اعتقاد و رسم و رواج خصوصیده، ایشانچلری کمهییشی گه سبب بولهدی.
