مستعار آت: مینینگ آتیم اسماعیل، بو اولکهده جنسی زورهوانلیککه قربان بولیب، یره کوترگن و باش پناهسیز بولگن سناق سیز بالهلردن بیری من. باشقهلرنینگ ایتیشیچه، مین قویاش 1381- ییل، قیش موسومینینگ ساووق کیچهلریدن بیری ده بغلان ولایتینینگ ایسکی شهریده دنیاگه کیلگن من. شبههسیز بو دنیادن مین بوتونلهی بیگانه ایدیم و او کیچهده آتم بیلن آنم هم بو دنیاده بیزلرگه نیمه بولیشینی بیلمس ایدیلر.
بیراق، بو چیگل دنیاده حیاتیمدن اوچ ییل اوتمهی آنم سرطان کسللیگی باعث، عالمدن اوتدی و شونینگدیک، آتم امنیتی کوچلر بیلن قیلگن اوروشده هلاک ایتیلدی، آتم طالب بولگن ایدی و او زماندن مین بوندهی مسئلهلردن هیچ نرسه بیلمس ایدیم. شو یوزهدن مین ایسه برچه نرسهدن قالگن یتیم باله گه اوزگردیم.
بو واقعهلردن سونگ، مین اَبمنینگ عایلهسی بیلن حیات کیچیرردیم و اولر مینینگ مدرسه یوباردیلر. کونلردن بیریده (مستعار آت) قومندان عنایت آتلی کیشی، نیچه مرته مدرسه یولیده کوریب و چیگل سوراقلری بیلن باشیمنی ایلنتیریب و وجودیمگه قول اورگنیدن سونگ، اَبم گه مینینگ یخشی امکانیتی بولگن مدرسه گه یوباریشینی تکلیف قیلدی.
بیراق، حقیقتده قومندان عنایتنینگ یخشی مدرسهدن مقصدی اوزینینگ اوییدن باشقه ییر ایمس ایدی. بوندهی بیر وضعیتدن قاچیش یول قییرده ایدی؟ حس قیلهمن اَبم خرسند ایدی، چونکه مین اوییدن کیتگنیمده مینینگ برابریمده بولگن مسؤولیتلری کم بولردی. نتیجهده، مین اوچ ییل قومنداننینگ اوییده قالیب و عیال کییمینی کیدیم.
زمان اوتیشی بیلن قومندان بوتون وجودیمنی کوردی و مین ایسه مفعول و خنثا موجودگه اوزگریب و وظیفم قومنداننینگ حیوانی و زورهوانلیک ایستهگینی یاتقزیش ایدی. وجودیمده سگرت اوتیدن قالگن داغلر بو ایشدن باشقه چارم یوقلیگینی کورستردی. قومندان عنایت ایستهگن زمانیده تکرار-تکرار مین گه تجاوز قیلدی و مین ایسه هیچ نرسه دییه آلمهدیم.
حکایه قیلگن دوزخ حیاتدن اوچ ییل اوتگنیدن سونگ، قومندان عنایتنینگ اوییدن قاچیشگه مؤفق بولدیم.
