حیات‌الله نینگ ایتیشیچه، 13 و 18 یاشر ایکی فرزندی نیچه کون کیین‌مه کیین کلیه قیین‌چیلیگی‌گه دوچ کیلگن‌لر و او، تیزلیک‌ده اولرنی هرات شیدایی کسلخانه‌سی‌گه ییتکیزگن، بیراق اوشبو کسلخانه داکترلری‌نینگ دقت‌سیزلیگی باعث ایکی فرزندی بیر هفته جریانیده حیات‌دن کوز یومگن.
حیات‌الله نینگ ایتیشیچه، داکترلر، ایکی فرزندی‌نینگ کسل‌لیگی‌نی بیله آلمه‌گن و باشقه جهازلنگن کسلخانه‌گه آلیب باریش‌گه هم رخصت بیرمه‌گن‌لر.
اوشبو کیشی، بوگون باشقه تورت فرزندی بیلن بیرگه دادخواه‌لیک اوچون مذکور کسلخانه‌گه کیلگن.
بیراق، هرات حوزه‌یی کسلخانه سوزلاوچیسی محمدرفیق شیرزی، مذکور ایکی اوغیل باله‌نینگ هلاکتی خصوصیده، شیدایی کسلخانه داکترلری‌نینگ دقت‌سیزلیگی‌نی رد قیله‌دی. جناب شیرزی‌نینگ ایتیشیچه، مذکور عایله تامانیدن حاضرگچه ولایت حوزه‌یی کسلخانه اداره‌سیده، داکترلرنینگ دقت‌سیزلیگی توغریسیده، هیچ بیر شکایت رویخط‌گه آلینمه‌گن.
هرات‌ده کسل‌لر توغریسیده داکترلرنینگ دقت‌سیزلیگی ینگی بیر موضوع ایمس. شونینگ‌دیک، بوندن آلدین، مذکور ولایت‌نینگ حوزه‌یی کسلخانه‌سیده، قطار کسل‌لر، داکترلرنینگ ناتوغری حرکتی و کسل‌لر توغریسیده، بی‌فرق یانده‌شیش‌لریدن شکایت قیلگن ایدیلر.
