تینچلیک عالی کینگشی نینگ اورین باسری عبدالخبیر اوچقون نینگ سلام‌وطندارگه ایتیشیچه، قطر و مسکو ییغینیدن سونگ، حاضرده افغانستان حکومتی و طالبان گروهی آره‌سیده، رسمی مذاکره قیلیش زمینه‌سی یره‌تیلگن.
اونینگ ایتیشیچه، حکومت مقام‌لری و افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد، جمهور باشلیغ غنی ریاستیده طالبان گروهی بیلن مذاکره قیلیش اوچون بیرهیات تعیین قیلماقده‌لر.
تینچلیک عالی کینگشی اورین باسری، اوشبو یغیین نینگ یولگه قویلیشی خصوصیده بیللی تاریخ ارایه قیلمه‌یدی.
عین‌حالده، طالبان گروهی نینگ قطرده‌گی سیاسی دفتری سوزلاوچیسی سهیل شاهین نینگ سلام‌وطندارگه ایتیشیچه، چیت‌ایللیک کوچلرنینگ افغانستاندن چیقیشی اوشبو گروه برنامه‌لری نینگ اولویتیگه قرار تاپگن و بو کیلیشوو میدیالر و خلق ارا نظارتچی‌لری حضوریده امضا ایتیله‌دی.
اونینگ ایتیشیچه، کیلیشوودن سونگ، اولر ایچکی موضوع‌لر خصوصیده صحبت قیله‌دی.
بوگون "پنجشنبه" آمریکا ملی اردو باش قومندانی جنرال جوزف نینگ جمهور رییس و عبدالله عبدالله بیلن اوتکزگن اوچره‌شوویده افغانستانده تینچلیک تامین‌لنیشی آمریکا نینگ اساسی ایستک‌لریدن دیگن بیرچاغده، افغاستان حکومتی و طالبان گروهی نینگ رسمی سوزلشوولری موضوع‌سی بیللی ایتیله‌دی.
