دنیا بانگی نینگ ینگیدن نشر قیلگن گزارشیده تجارت و سرمایه یاتقیزیش اوچون افغانستان اینگ نا قُولی دولت بولگن‌لیگی قید ایتیلگن. بو مملکت‌ده تجارلر و سرمایه یاتقیزووچیلرگه هیچ قنده‌ی مناسب شرایط یوقلیگی توغریسیده اشاره بولگن. بو گزارش ترقه تیلگن لیگی‌گه عکس‌العمل بیلدیرگن مملکت تجارت وصناعت وزیرلیگی، دنیا بانکی افغانستان حکومتی نینگ بو توغریده بولگن یوتوقلرینی انابتگه آلمه گن دیگن.
سلام‌وطندار ترماغی بیلن صحبت اوتکزگن مملکت تجارت و صناعت وزیرلیگی نینگ سوزلاووچیسی مسافر قوقندی، افغانستان‌ده سرمایه یاتقیزیش وضعیتی توغریسیده دنیا بانکی نینگ بو گزارشی اپریل و جون آیلریگه تَیه‌نیب تیارله‌گن دیدی. حال بوکه افغانستان حکومتی سونگی تورت آی ایچیده بعضی قانونلر، قنده‌ی سرمایه یاتقیزیش و جوازنامه ترقه‌تیش کبی بولیم لرگه ییریک اصلاحات کیلتیرگن دیگن جناب قوقندی.
افغانستان تجارت اتاقی نینگ اورین باسری خان‌جان الکوزی، دنیا بانکی گزارشی نینگ بعضی بولیملری نا توغری ایمس دیگن. اوروش شددتلشگنی، سرمایه یاتقیزووچیلرده جانی و مالی امنیت یوقلیگی، دولت اداره‌لریده‌گی فساد، اقتصادی تیزیمگه زوروان کیشیلرنینگ اره‌له‌شیشی، جواز بیکار قیلیش باسقیچی اوزاق بولگنی و حکومت رهبرلری اورته‌سیده‌گی موردلر مملکت‌ده سرمایه یاتقیزیش یولیده‌گی اساسی قیین‌چیلیکلردن سنه‌له‌دی دیگن جناب الکوزی.
دنیا بانکی نینگ ینگیدن نشر قیلگن گزارشیده جهان نینگ 190 دولتی ایچیده افغاسنتان سرمایه یاتقیزیش نقطه نظردن 183 اورینده تورگن‌لیگی معلوم قیلینگن. بو ایسه آسیا دولتلری ایچیده افغانستان سرمایه یاتقیزووچیلر اوچون نا قُولی بیر شرایط حسابلنگن.
