بوگون «پنجشنبه» کابل‌ده «دایمی تینچیلیک‌دن مملکت عالم‌لری حمایت قیلیش» نامی‌ده یولگه قوییلگن ییغینده افغانستان اهالیسی نینگ اسلامی انقلاب حرکت حزبی عالم‌لر جماعتی نینگ ایتیشیچه، مملکت‌ده تینچلیک تأمین‌لنیشی خصوصیده سیاسی بیر کیلیشوو یوق دیر و حکومت تینچلیک‌نی تأمین قیلیش خصوصیده کوچسیز دیر.
تینچلیک تأمین‌لنیشی خصوصیده حکومت نی کوچسیزلیگی دن تنقید قیلگن اسلامی انقلاب حرکت حزبی عالم‌لر جماعتی اعضاسی عبدالوحید وحیدنینگ ایتیشیچه، حاضرگی وضعیت گه قره‌گنده، تینچلیک خصوصیده سیاسی بیر کیلیشوو یوق دیر.
بیراق، جمهورلیک ریاستی سوزلاوچیسی اورین باسری شاه‌حسین مرتضوی، اوتکزیلگن تینچلیک مصلحتی قورولتاینی افغانستانده تینچلیک تأمین‌لنیشی خصوصیده حکومت نی سعی و حرکت‌لریدن دیب ایتیشیچه، تینچلیک توغریسیده عملی آدیم‌لر کوتریلیشی اوچون آرتیقچه زمان کیره‌ک.
تینچلیک تأمین‌لنیشی خصوصیده حکومت نی کوچسیزلیگی دن تنقید قیلینگن بیرچاغده، آمریکا و طالبان گروهی نینگ نماینده‌لری حاضرگه‌قدر آلتی مرته قطرده اوچره‌شیب بحث اوتکزگن‌لر؛ بیراق طالبان گروهی افغانستان حکومتی بیلن مذاکره قیلیش گه حاضر بولمه‌گن.
