کابل شهری‌نینگ 6-، 13- و 18- ناحیه یشاوچیلری، حکومت و کابل بلدیه‌سی‌نینگ توجه‌سیزلیگی باعث ناراضلیک نمایش یولگه قویگنلر.
اعتراضچی‌لرنینگ ایتیشلریچه، اوشبو منطقه‌ده سوو تاشقینی اوچون نیچه کانال موجود دیر؛ بیراق اوتیب-قیتیش اوچون کوپریک یوق دیر.
اولرنینگ کوپه‌یتیریشیچه، بو موضوع نی حکومت بیلن اورته گه قویگن بیر چاغده، حکومت اوشبو منطقه‌ده کوپریک قوریلیشی اوچون 20 دالر اَجره‌تگن.
مذکور منطقه یشاوچیلری حکومت‌نینگ اوشبو اِیشی‌دن کنایه شکلده منتدارلیک بیلدیرگنلر.
مدنی فعال و منطقه یشاوچیسی شریف وطندوست‌نینگ ایتیشیچه، یامغیرلی موسوم‌ده کاناللر سوودن توله‌دی و اوشبو موضوع منطقه یشاوچیلرینی کوپینچه قیینچلیکلر بیلن روپه‌رو قیله‌دی.
اونگه کوره، مذکور منطقه یشاوچیلری هردایم حکومت گه همکارلیک قیلیب و حکومت‌دن حمایت بیلدیرگنلر؛ بیراق قیینچلیککه روپه‌رو بولگن چاغده، حکومت اولر اوچون هیچ بیر اِیش قیلمه‌یدی.
شونینگدیک، محل امامی غلام رسول حسینی‌نینگ ایتیشیچه، یشاوچیلر یامغیرلی کونلرده سوو تاشقینی اوته‌دیگن کانال اوستیگه کوپریک بولمه‌گنی باعث، اوی‌لریده قالیش گه مجبور بوله‌دیلر.
محل یشاوچیلری‌نینگ ایتیشلریچه، ملمکت باشکینتی گه حیات کیچیره‌دیلر؛ بیراق حکومت‌نینگ توجه‌سیزلیگی باعث هیچ قندی شهری خدمت‌لرگه قول تاپه آلمه‌یدیلر.
