سوداگر عیاللرگه خاص بازار کمیده اوچ ییل آلدین، هلمند ولایتی نینگ مرکزی لشکرگاه شهریده قوریلدی، بیراق بو بازارده حاضرگچه هیچ بیر سوداگرلیک فعالیت بولمهگن.
هلمند ولایتیده سوداگر عیاللرنینگ ایتیشیچه، خوفسیزلیک و مدنی قیینچیلیکلر باعث، بو بازارده فعالیت قیله آلمهیدیلر.
هلمند ولایتی بوییچه عیاللر ریاستی باشلیغی وجیهه رسولی نینگ ایتیشیچه، عیاللرگه خاص بازار قوریلیشی یانیده، عیاللر اوچون باشقه قولیلیکلر هم یرهتیلگن و دکانلر پولسیز شکلده عیاللرنی اختیاریده قوییلگن.
هلمند حاکمی سوزلاوچیسی عمر زواک، عیاللرگه خاص بازارده سرمایه یاتقزیلمهگن موضوعی نی تَن آلهدی، بیراق ایتیشیچه، اوشبو بازارده عیاللر فعالیتی اوچون هیچ بیر قیینچیلیک یوق دیر.
اونینگ کوپهیتیریشیچه، سوداگر عیاللر بو بازارده فعالیت گه باشلهگن صورتده، محلی حکومت اولردن حمایت قیلهدی.
گزارشلر اساسیده، حاضر هلمند ولایتی نینگ خوفسیزلیک وضعیتی اوتمیشلرگه نسبتن بیر آز یخشی بولگن.
ایش بیلرمانلرنینگ ایشانچی گه کوره، اهالی اینیقسه سوداگر عیاللرنی خوفسیزلیگی تأمینلنگن صورتده، اقتصادی فعالیتلرینی کینگهیتیرهدی.
