افغانستان برقرارلیگی‌نی سقلاوچی کینگش سوزلاوچیسی مسعود ترشتوال‌نینگ ایتیشیچه، حکومت بشر حقلری بوزغونچی‌لری و میدیالرنی هدف قرار بیرگن کیشیلر برابریده طرف‌سیزلیک اختیار قیلمه‌ی، بلکیم اوشبو جنایت‌چیلر برابریده جدی عمل قیلیشی کیره‌ک.
اوتگن (سه‌شنبه کون) کابل‌ده اوتکزیلگن خبری ییغینده جناب ترشتوال‌نینگ ایتیشیچه، اوشبو کینگش میدیالرنی «معقول ایستک»لریدن حمایت قیله‌دی و حکومت‌دن میدیا خواطرلرینی اورته‌دن کوتریش و اولردن حمایه قیلیش اوچون، خاص لایحه قولگه آلیشینی سوره‌یدی.
شونینگ‌دیک جناب ترشتوال، حکومت‌دن میدیالرنی آلقیش‌لش اوچون، هر آلتی آی‌ده بیر مرته میدیالردن بیری‌نی افغانستان‌ده اینگ یخشی میدیا صفتیده تانیشتیریشی‌نی ایسته‌دی.
افغانستان ایرکین میدیالریدن حمایت قیلووچی تشکیلات (نی) اجراییه باشلیغی مجیب خلوتگرنینگ ایتیشیچه، حکومت تروریست‌لردن حمایت قیله‌دیگن گروه‌لر و حکومت‌لردن باشقه بونده‌ی عمل قیلمس‌لیگی توغری‌سیده ضمانت آلیشی کیره‌ک.
جناب خلوتگر، موبی گروپ ایشچی‌لری اوستیگه اویوشتیریلگن هجوم انتقامی آلینیشی توغری‌سیده، اوتگن (دوشنبه کونگی) جمهور رییس غنی‌نینگ بیانات‌لریگه اشاره قیلیب ایتیشیچه، نَی هم انتقام ایسته‌یدی و حکومت اوشبو هجوم انتقامی قنده‌ی بیرشکلده آلینیشی‌نی آچیقله‌شی لازم.
قورال‌لی طالب‌لر، اوتگن هفته (چهارشنبه کون) کیچ قورون موبی گروپ ایشچی‌لری‌نی تاشیدیگن موتر برابریده خودکش هجوم اویوشتیردی. بو هجوم‌ده مذکور گروپ ایشچی‌لریدن 7 کیشی هلاک بولیب و باشقه 27 تینچ اهالی یره‌لندی.
خلوتگرنینگ ایتیشیچه، اوتگن بیر یریم دهه‌ده افغانستان بویلب 57 کیشی سوز ایرکین‌لیگی‌گه قربان بولگن.
نَی تشکیلاتی اجراییه باشلیغی، افغانستان میدیالریدن تروریستی گروه‌لر تامانیدن اولدیریلگن کیشی‌لرنینگ «شهید» دییش‌لرینی سوره‌دی.
افغانستان برقرارلیگی‌نی سقلاوچی کینگش، موبی گروپ ایشچی‌لری برابریده اویوشتیریلگن هجوم‌نی بیرینچی مرته قاره‌له‌گن چاغیده، بو هجوم افغانستان، پاکستان، چین و امیریکه اورته‌سیده‌گی تینچلیک تورت تامانلمه سوزلشوولرگه طالب‌لرنینگ جوابی دیگن ایدی.
