افغانستان بوییچه انسان حقلری تشکیلاتی رسمی‌لری‌نینگ ایتیشیچه، ملی بیرلیک حکومت باله‌لر و عیال‌لر حقوقی خصوصیده، دنیا جماعه‌چیلیگی‌گه بیرگن سوزلرینی عمل‌گه آشیره آلمه‌گن.
مذکور تشکیلات باشلیغی لعل‌گل لعل‌نینگ ایتیشیچه، حکومت عیال‌لر و باله‌لر حقوقی بولیمی‌ده اهالی و دنیا جماعه‌چیلیگی ایسته‌گی اساسی‌ده عمل قیلمه‌گن و بروکسل یغینیده لایحه‌سیز اشتراک ایته‌دی.
اونگه کوره، مملکت‌ده عیال‌لرگه قرشی زوره‌وانلیک میزانی آشگن، باله‌لر حاضرگه‌قدر آغیر ایشلر بیلن شغللنه‌دیلر؛ دوام ایتیب کیله‌یاتگن اوروش‌لرده اولردن عسکر آلینه‌دی و حاضر میلیون‌لرچه باله درس‌دن محروم قالگن‌لر.
افغانستان بوییچه انسان حقلری تشکیلاتی باشلیغی‌نینگ کوپه‌یتیریشیچه، عیال‌لر و باله‌لر حقوقی نظرگه آلینمه‌سی یانیده ناتینچلیک سبب، یشاوچی‌لر حقوقی تورلی بولیم‌لرده نقض ایتیلگن.
باشقه بیر تاماندن، افغانستان‌ده‌گی عیال‌لر ترماغی اعضالری، عیال‌لر و باله‌لر خصوصیده بولگن ایشلرنی ییترلی بیلمه‌ی ایتیشیچه، حکومت تشکیلاتی‌ده عیال‌لر حاضرگچه آز کورینه‌دی.
افغانستان‌ده‌گی عیال‌لر ترماغی اعضاسی روشن سیرن‌نینگ سلام‌وطندارگه ایتیشیچه، عیال‌لر حکومت‌نینگ کته قرارلریگه سهم آلیب و حکومت بروکسل ییغیغینده دنیا جماعه‌چیلیگی‌گه بیره‌دیگن سوزلرینی عیال‌لرنینگ مصلحتی بیلن عملی قیلیشی لازم.
بیراق، مالیه وزیرلیگی سوزلاوچیسی اجمل‌حمید عبدالرحیم‌زی‌نینگ سلام‌وطندارگه ایتیشیچه، عیال‌لرنی اقتصادی لحاظ‌دن کوچلنتیریش و باله‌لرنینگ حقوقی‌نی تأمین‌لش بروکسل ییغینیده ملی بیرلیک حکومتی‌نینگ اساسی سوزلریدن ایدی و اولر عیال‌لر وزیرلیگی، اجتماعی ایشلر وزیرلیگی و افغانستان بوییچه انسان حقلری کمیسیونی‌نینگ همکارلیگی‌ده ایسلنگن بولیم‌لرده دنیاجماعه‌چیلیگی‌نینگ یاردم‌لرینی جلب ایتیش اوچون بیر ریجه تیارلگن ایکن.
بروکسل ییغینی، جاری میلادی ییل اکتبر آیی‌نینگ 4- و 5- سیده بلژیک‌ده یولگه قوییله‌دی. سیلاولر تیزیمی‌گه اصلاحات کیریتیش یانیده، اقتصاد یخشی‌لنیشی، فسادگه قرشی کوره‌ش، یخشی حکومتدارلیک، عیال‌لر اقتصادی‌نی کوچلنتیریش و باله‌لرنینگ حقوقی‌نی تأمین‌لش، مذکور ییغینده دنیاجماعه‌چیلیگی‌گه افغانستان حکومتی‌نینگ باشلیغ‌لری تامانیدن بیریله‌دیگن اساسی سوزلردن سنله‌دی.
