جهادی و سیاسی رهبرلر مملکت حاضرگی وضعیتیدن تشویش بیلدیریب ایتیشلریچه، ملی بیرلیک حکومت باشلیغ‌لری افغانستاننی باتلاققه تشله‌گنلر. اولر مملکت سیاسی وضعیتی‌نی خواطرلی بیله‌دیلر.
بو رهبرلر، ملی بیرلیک حکومتی ایجاد ایتیلگنی‌دن حاضرگه قدر قوم‌گرالیک، نفاق و حزبی و سمتی بحث‌لرگه مصروف بولگن و یشاوچی‌لر امنیتی‌نی تأمین ایتیش‌گه ناکام قالگن دیدیلر. اولر افغانستان وضعیتیدن تشویش بیلدیریب افغانستاننی نیابتی اوروش میدانی‌گه اوزگرتیریلیش آلدینی آلیش لازم دیگنلر.
افغانستان ملی نجات حزبی نینگ باشلیغی صبغت‌الله مجددی بوگون (پنج‌شنبه) سیاسی و مصلحتی ییغینده نطق سوزلب جمهور رییس غنی‌نی اوز خودمچه و یاش اولوغ‌لر و جهادیلرنینگ مصلحت‌لریگه قولاق سالمیدی دیگن.
جناب مجددیگه کوره، مملکت یشاوچی‌لری حاضرگی وضعیتدن تشویشده‌لر و حکومت باشلیغ‌لری اوزلریگه اصلاحات کیلتیریشلری لازم.
سابق جمهور رییس اورین باسری محمدکریم خلیلی نینگ، مملکت یشاوچی‌لری اورته‌سیده نفاق کیلتیریب افغانستاننی منطقه نیابتی اوروشیگه اوزگرتیریشنی ایسته یدیگن گروه‌لر ایشلب کیلماقده دیدی.
بو باره‌ده جمهور رییس‌لیک سرایی سوزلاوچی‌لریدن جهادی رهبرلر نظرلری باره‌سیده سوره ماقچی بولدیک، اما کوپلب تماس آلیش بیلن موفق بولالمه‌دیک.
مملکت جهادی و سیاسی رهبرلری یشاوچیلرنی بیردم‌لیککه چقیریب و حکومت باشلیغ‌لریدن مملکت وضعیتی یخشی‌لنیشیگه تلاش قیلیشلرینی سوره‌دیلر. اولر حکومتنی بوزیشده ایمس، بلکه اولرنینگ انتقادلری اصلاح بولیش اوچون ایکن‌لیگی‌گه تأکید قیله‌دیلر.
