افغانستان مالیه / سالیق وزیرلیگی مملکت ایچکی درآمدی مالی 1394- ییلده 120 میلیارد افغانیگه آشگن لیگینی اعلان قیلدی.
بوگون (یکشنبه) مملکت مالیه وزیر اکلیل حکیمی کابلده اوتکزیلگن بیر خبری ییغینده، بو مقدارده توپلنگن پول اوتگن 13 ییل سابقهسیز دیگن. افغانستان ایچکی درآمدینینگ کته قمسی 109 میلیارد افغانی 1392- ییلده جمعلنگن.
جناب حکیمیگه کوره، 1393- ییلگه قرهگنده بو ییل 20 میلیارد افغانی در آمد آشگن بو ایسه 21% کوپیگنلیکنی کورستهدی.
افغانستان حکومتی پول خلق ارا صندوغیگه 1394- ییل پایانیگه قدر مملکت ایچکی درآمدینی 114.2 میلیارد افغانیگه آشیریش اوچون وعده بیرگن ایدی، اما مذکور وزیرلیک تعین ایتیلگن هدفدن آلتی میلیارد کوپراق توپلهگن.
مملکت مالیه وزیری اکلیل حکیمی، دولتنینگ درآمدی آشگنلیگی سبب خلق ارا پول صندوغی تشویق صفتیده افغانستان حکومتیگه 175 میلیون دالر یاردم کورستدی دیگن.
شونینگدیک حکیمی مذکور مبلغلرنینگ 55% باجخانهلردن، 20% وزیرلیکلردن، 13% مستوفیتلردن و 18.6% ایسه ییریک مالیه بیرووچیلر یعنی 10% ییریک مالیه بیرووچی و 2.8% اورته و کیچیک مالیه بیرووچیلردن قولگه کیریتیلگن دیگن.
مالیه وزیرلیگینینگ حساباتیگه قرهگنده، 1394- مالی ییلده مالیه ییغیش برچه بولیملرده کوپیگن.
عین حالده، مالیه وزیری 94- ییلده درآمد کوپیگنلیگینینگ بیرینچی سببی قرض بیرووچی شرکتلردن مالیه آلیش باعث بولگن دیگن. اونینگ سوزلریگه کوره، مذکور وزیرلیکنینگ مامورلری مالیه بیرووچیلر بیلن مذاکره قیلیب قانونگه موافق قرضلری مالیهسینی قولگه کیرتگنلر.
حکیمی، درآمد توپلهنیشی اوچون معین حساب آچیلیشی، ایکینچیلیک و صناعت تعرفهلری وضع ایتیلیشی، قول تیلفون کارتلریدن 10% مالیه آلینیشی و افغانستان هوا فضاسیدن اوته دیگن اوچاقلر مالیهسی 400 دالردن 500 دالرگه آشیریلیشی، باجخانهلرده زمانوی سیستم تاسیس ایتیلیب نظارت بولگنی ایچکی درآمدلر آشیشیگه سبب بولگن دیگن.
عین حالده، افغانستان مالیه وزیری، مذکور وزیرلیک نابرقرارلیکلر باعث 94 – مالی ییلده قندوز شامل ایریم ولایتلرنینگ باجخانهلریدن درآمد قولگه کیریته آلمهگن دیگن.
