مملکت مالیه وزیرلیگی مسووللری نینگ ایتیشیچه، «ینگی کابل بانک» «افغان ملی بانک» بیلن قوشیلهدی.
اولرنینگ ایتیشلریچه، اوشبو ایکی بانکنی قوشیلیشی خصوصیده دستلبکی ایشلر صورت تاپگن و تخنیکی بولیملرده بیرقطار ایشلر باشلنگن.
مالیه وزیرلیگی سوزلاوچیسی شمروزخان مسجدی نینگ سلاموطندارگه ایتیشیچه، ینگی کابل بانک نی افغان ملی بانک بیلن قوشیش برنامهسی ایشانچ کیلتیریش اوچون افغانستان حکومتینی دنیا پول صندوقیگه بیرگن تعهدلریدن بیری دیر و اوشبو ایکی بانکنی 2021- ییل گهقدر قوشیلیشی ممکن.
مالیه وزیرلیگی سوزلاوچیسی نینگ ایتیشیچه، بو ایکی بانک نینگ قوشیلیشی بیلن سیستملر، منابع بشری و ینگی منابع بشری چارچوبهسی تیکشیریلگنیدن سونگ، اوشبو ایکی بانک دن تشکیل تاپگن بانک ایشلاوچیلری خصوصیده قرار قیلینهدی.
کابل بانک 2004- ییلده ایجاد قیلینگن، بیراق 6 ییل فعالیت قیلگنیدن سونگ، بیرقطار بحرانلر بیلن روپهره بولگن و 2010- ییل ده اونینگ مدیرتی افغانستان مرکزی بانکی بوینیگه توشگن.
بوتوغریده ینگی کابل بانک و افغان ملی بانک مسووللری فکرینی آلیش اوچون سعی و حرکت قیلدیک، بیراق اولر صحبت قیلیشگه حاضر بولمهدیلر.
