تینچلیک و اسلامی عدالت سیلاو تیم رهبری گلبدین حکمتیارنینگ ایتیشیچه، افغانستان اهالیسی سیلاو اساسیده یشاوچیلردن کوپینچه‌سی نینگ حمایتی نی قولگه کیریتگن جمهوررئیس ایسته‌یدی.
بوگون (سه‌شنبه 28- عقرب) کابل‌ده خبری بیر ییغین‌ده نطق سوزله‌گن گلبدین حکمتیارنینگ ایتیشیچه، بیر میلیون و 200 مینگ جعلی آواز و 300 مینگ قاره‌لنگن آواز سنه‌ش پروسه‌سیدن چیقاریلیب و تخنیکی قیینچلیک موجود بولگن ییرلرده قیته‌دن سیلاو یولگه قوییلیشی کیره‌ک.
جناب حکمتیار، درمالوگ شرکتی ایشلاوچی‌لری نینگ محکمه قیلینیشی نی سوره‌ب ایتیشیچه، بو شرکت بیرگن وعده‌لری جمله‌دن طرف‌سیزلیک، امانتدارلیک و افغانستان سیلاوی‌ده اعتبارلی اسکونه‌لر و جهازلر تیارلشی خصوصیده عمل قیلمه‌گن.
شونینگدیک، جوزجانده سیاسی شخصیت‌لردن بیرقطاری بیلن کینگ ییغین اوتکزگن جمهورلیک ریاست بیرینچی اورین باسری جنرال عبدالرشید دوستم نینگ ایتیشیچه، تینچلیک جریانی گه نسبتن سیلاو جریانی توغریسیده کوپراق خواطرده بولگن.
جناب دوستم نینگ ایتیشیچه، سیلاو نتیجه‌سی اعلان ایتیلیشی یا-ده ایتیلمه‌سی اونملی ایمس دیر، چونکه سیلاو ایرکین کمیسیونی ایشانچی نی قولدن بیرگن.
جمهور رئیس بیرینچی اورین باسری نینگ ایتیشیچه، قیسی بیر تیم ساخته‌کارلیک قیلگنینی بوتون خلق بیله‌دی و خلق‌قه میدان گه چیقیش‌لری خصوصیده بویروغ بیریلگن صورتده، وضعیت یامان بولیشی ممکن.
جمهورلیک ریاست سیلاوی قویاش جاری ییل 6- میزان‌ده یولگه قوییلدی، بیراق کمیده ایکی آی اوتیشی بیلن مذکور پروسه نتیجه‌سی حاضرگچه اعلام ایتیلمه‌گن.
شونینگدیک سیلاولر کمیسیونی بوندن آلدین اوشبو سیلاو دستلبکی نتیجه‌سی 27- میزان و نهایی نتیجه‌سی 16- عقرب آیی‌ده اعلام ایتیلیشی خصوصیده سوزبیرگن ایدی.
شو توغریده:
