اسلامی حزب رهبری گلبدین حکمتیار، کابل‌ده پکتیا ولایتی‌نینگ قوم بویوکلری بیلن اوچره‌شیب حاضرگی تیزیمدن حمایتی‌نی ینه بیر مرته اعلان قیلدی. حاضرگی تیزیمدن حمایت قیلیش حکومت‌دن حق آلیش ایمس؛ بلکه مملکت و خلق‌نینگ تقدیری بو تیزیم بیلن باغلیق دیگن حکمتیار.
جناب حکمتیار، حاضرگی تیزیم‌نینگ هیچ مقابلی یوق و هر قنده‌ی اوزگریش و اصلاحات سیاسی یول بیلن ممکن دیگن.
مملکت‌نینگ نابرقرارلیگی توغریسیده خواطر بیلدیرگن حکمتیار، خلق امنیتی تامین ایتیلیشی اوچون حکومت کوچ سیز دیگن.
مملکت‌ده اوروش‌گه پایان بیریلیشی خصوصیده تاکید قیلگن اسلامی حزب‌نینگ رهبری، افغانستان‌ده‌گی جاری اوروش منطقه دولت‌لری تامانیدن قوللب قوتلنه‌دی دیگن. ایریم معیین تیوره‌ک‌لر افغانستان‌نی تورلی قیین‌چیلیک‌که روپه‌ره قیلیش‌گه اولگوره دیلر دیگن او.
افغانستان‌ده اوروش‌گه پایان بیریش اوچون بوتون سیاسی حزب‌لر رهبرلری اشتراکی‌ده هر تامانلمه مذاکر اوتکزیلیشی توغریسیده علی‌حده تاکید قیلگن جناب حکمتیار.
