جمهورلیک ریاست سیلاوی نینگ نامزدلریدن بیری و اسلامی حزب رهبری گلبدین حکمتیار، کابل‌ده اوتکزگن بیرینچی کمپاینی ییغینده، حکومت نی قومی تعصب گه قول اوروش گه عیب‌لب ایتیشیچه، اوزاق مدتدن بویان بو تعصب جمهورلیک ریاست سرایی ده دوام ایتماقده.
جناب حکمتیارگه کوره، اسلامی حزب نینگ پشتو مکتوبی گه ارگ دری جواب بیره‌دی و بیران مرته پشتو جواب بیریلگنده هم املایی خطادن بوش ایمس دیر. اونینگ ایتیشیچه، «سونگی کونلر بیزلر نیچه مرته پشتو مکتوب یوباردیک، لیکن ارگ جوابی نی دری گه بیردی.»
حکمتیارنینگ بیاناتی توغریسیده جمهورلیک ریاست سرایی نینگ فکرینی اورگه‌نیش اوچون علاقه قوردیک، بیراق جمهورلیک ریاست سوزلاوچیسی صدیق صدیقی، بو توغریده هیچ نرسه دیمه‌دی.
حکمتیار حاضرگی توزوم برابریده کوپ ییل جبهه‌گیرلیک قیلگنیدن سونگ، تینچلیک جریانی گه قوشیلدی و او، نیچه مرته مملکت یشاوچیلری تامانیدن قومی و تعصبی مسئله‌لرگه قول اوروش گه عیب‌لنگن.
