.jpg)
اسلامی حزب رسمی‌لری مذکور حزب رهبری گلبدین حکمتیارنینگ افغانستانده‌لیگینی تأیید قیله‌دی. سونگی کونلرده رسانه‌لردن ایریم گزارشلر جناب حکمتیارنی ننگرهار یا لغمان ولایتلریده خلق بیلن اوچره‌شوولری باره‌سیده ترقه‌تیلگن ایدی.
اسلامی حزب سوزلاوچیسی حشمت‌الله ارشدنینگ سلام‌وطندارگه ایتیشیچه، اسلامی حزب رهبری افغانستانده کیلگن و ایرته یا کیلگوسی کون ولایتلردن بیریده خلق حضوریگه چیقیشی ممکن.
او، بوگون جناب حکمتیار یشاوچیلر بیلن اوچرشگنینی رد قیلیب ایتیشیچه، اسلامی حزب رهبری نینگ کیلیشی اوچون برچه تیارگرلیکلر آلینگن.
تینچ‌لیک و قیته یره‌ش استراتژیک باشیلیغی احمد فرزان هم سلام‌طندارگه جناب حکمتیارنینگ کیلیشی باره‌سیده اولرگه گزارش کیلمه‌گنلینی تیلگه آله‌دی، بیراق تیزلیکده اسلامی حزب رهبری افغانستان ولایتلریدن بیریده چیقیش قیلیب و اوندن کیین کابل کیلیشی ممکن.
40 ییلدن بیری کابلده قدرتنی آلیش اوچون اوروشگن گلبدین حکمتیار، ینگی تیزیم قوریلیشی بیلن ینه هم 15ییل تشقی کوچلرنی بوتونلی افغانستاندن چیقاریش و اوز ایسته‌گی اساسیده اسلامی حکومت قوریش نیتیده ایدی. بیراق او، اوشبو ایستکلردن قول کوتاریب فقط کیلیشی اوچون کابلگه اوز نماینده‌لرینی یوباردی.
.JPG)
اسلامی حزب نماینده‌لری و حکومت اورته‌سیده آیلر سوزله‌شوو و تلاشلردن سونگ، گلبدین حکمتیار رهبرلیگیده اسلامی حزب و حکومت ارا تینچ‌لیک بیتیمی‌گه اوتگن ییل جمهور رییس غنی و حکمتیار اورته‌سیده قول قویلدی.
بو حرکتنی کوپلب سیاسی حزبلر خوش قرشیله‌دی، اما کوپلب یشاوچیلر و سیاسی حزبلر هم اونگه قرشی‌لیک بیلدیردیلر.
حکومت و اسلامی حزب اورته‌سیده ترتیب بیریلگن تینچ‌لیک بیتیمی آلتی صحیفه، اوچ فصل، 26 ماده بولیب ایکی تامان بیرگه‌لیک وعده‌لریگه اشاره قیلینگن ایدی.
شرطنامه اساسیده، ایکی تامان اوروشگه نقطه قویش، دایمی تینچ‌لیک تأمین ایتیلیشی و اسلام ارزشلریگه حرمت بیریب اونی دوامیگه افغانستان بویلب ایشلش‌گه سوز بیردیلر.
افغانستان حکومتی گلبدین حکمتیار و اونینگ حزبیگه کیلتیریلگن برچه تحریملرنی کوتاریب، اوشبو حزبنی رسمیت‌گه تانیب و اسلامی حزب بیر سیاسی تشکیلات عنوانیده امتیازلرگه ایگه بولیب فعالیت قیلیش رخصتینی بیردی.
اسلامی حزب ایسه ایکی تامان بیتیم‌گه قول قویشیدن باشلب اسلامی حزب نینگ حربی بولیمینی اورته‌دن ایلتیب و برچه ترورچی گروه‌لر بیلن علاقه‌سینی کیسیش‌گه سوز بیرگن ایدی.
