سلام‌وطندار، آناتولی خبرگزارلیگیدن نقل قیلگن گزارشی اساسیده، اسلامی حزب رهبری گلبدین حکمتیار نینگ ایتیشیچه، بو حزب طالبان گروهی بیلن همکارلیک قیلیش گه تیار دیر و طالبان قیزیققن صورتده مذکور گروه گه قتنه‌شیشی ممکن.
اسلامی حزب رهبری اوتگن کون (شنبه ۲۹- سنبله) طرفدارلری نینگ آره‌سیده ایتیشیچه: «اسلامی حزب طالبان بیلن یوزمه‌یوز سوزلشوو و شونینگدیک بو گروه بیلن همکارلیک قیلیش و بیرگه ایش‌لش اوچون تیار دیر.»
گلبدین حکمتیار نینگ اورغولشیچه، اوشبو ایکی گروه (طالبان و اسلامی حزب) قولمه قول بولگن صورتده، افغانستان نینگ فاجعه‌سی یکونلنه‌دی و اولرگه قرشی توخته‌یدیگن هیچ بیر کوچ قالمه‌یدی.
او، بیاناتی نینگ بیر بولیمیده کوپه‌یتیریشیچه، افغانستان‌لیکلرارا سوزلشوولرنینگ بیرینچی دوری یکونلنگندن کیین، اسلامی حزب بو گروه بیلن مذاکره قیلیش گه تیار دیر و حاضر قرار طالبان نینگ قولیگه دیر.
حکمتیار طرفدارلری نینگ آره‌سیده ایتیشیچه، افغانستان دولتی (کوچ‌سیز و پارچه‌لنگن) دیر و اسلامی حزب نینگ طالبان بیلن قوشمه نقطه‌سی بار. اونینگ اورغولشیچه، بو حزب طالبلر بیلن قوشمه عقیده‌لری، ارزش‌لری و ایدیولوژی‌سی بار.
او، بیر آی آلدین بیر مصاحبه‌ده آمریکا افغانستان نینگ اوروشیدن خسته بولگن و مالی و جانی ضررلردن باشقه بیر نیرسه قولگه کیلتیره آلمه‌گنی نی بیلدیرگن ایدی. اسلامی حزب رهبری اوتکزگن مصاحبه‌سیده ایتیشیچه، آمریکا طالبان بیلن بیر کیلیشووگه قول تاپیش اوچون حرکت قیله‌دی و بو کیلیشوونینگ هیچ کیم آلدی نی آلالمه‌یدی.
حکمتیار نینگ ایتیشیچه، افغانستان دولتی تینچلیک مذاکره‌لرینی نوامبر آیی گچه کیم آمریکا ده جمهورلیک ریاست سیلاوی نینگ یولگه قوییلیش تاریخی دیر، آرتده قالدیریش نی ایسته‌یدی.
او، افغانستان تینچلیک پروسه‌سیده منطقه مملکت‌لری نینگ نقشی خصوصیده ایتیشیچه، هند، پاکستان بیلن رقابتی بار اوچون تینچلیک باسیم‌لریدن راضی ایمس و او محلی حربی‌لردن حمایت قیلیش گه باشله‌گن. «چین و پاکستان نینگ افغانستان توغریسیده قوشمه و اویغون موضع‌سی بار. تینچلیک پروسه‌سیدن حمایت قیلیش گه علاوه، اونینگ منطقوی فایده‌لری اوچون ارزش‌لی بیله‌دیلر.»
گلبدین حکمتیار بونده‌ی بیانات بیرگن بیرحالده، طالبان نیچه ییل اوروش دن کیین افغانستان و آمریکا حکومتی بیلن مذاکره میزی گه حاضر بولیش اوچون زورلنگن. افغانستان دولتی و طالبان گروهی آره‌سیده یوزمه‌یوز سوزلشوولر اوتگن هفته شنبه کونی دوحه ده باشلندی. مذاکره باشلنگنیدن بویان ایکی تامان حاضرگچه ایکی عمومی ییغین یولگه قوییب و قطار موضوعلر خصوصیده کیلیشگنلر.
