افغانستان تینچلیگی بوییچه آمریکا خاص نمایندهسی زلمی خلیلزاد، اوتگن کون افغانستان جمهورلیک ریاست بیرینچی اورینباسری امرالله صالح مینیلگن موتر کاروانی هجوم گه دوچ کیلگنی گه عکسالعمل بیلدیریب ایتیشیچه، تینچلیک تاریخی فرصتی گه ضرر ییتیشتیرهدیگن کیشیلر کوپ امیدسیز و خفه بولهدیلر.
او بوگون (پنجشنبه ۲۰- سنبله) بیر توییت آرقهلی جمهورلیک ریاست بیرینچی اورینباسری گه قرشی هجوم نی تینچلیک پروسهسیگه قرشی کیشیلرنینگ امیدسیزلیگی نی ینگی بیر نمونهسی دیگن.
اونینگ کوپهیتیریشیچه، افغانستان اهالیسی اولرنینگ دامی گه توشمهیشی ممکن.
خلیلزاد نینگ یازیشیچه، خرسندلیک بیلن جناب صالح نجات تاپدی، بیراق قیغو بیلن اوتگن کون یوزبیرگن حادثهده قطار کیشیلر هلاک و یرهلنگن.
ایچکی ایشلر وزیرلیگی نینگ ایتیشیچه، جناب صالح گه اویوشتیریلگن هجوم نینگ پارتلش مادهسی، حقانی ترماغی قوللنهدیگن مادهلردن دیر.
جمهورلیک ریاستی نینگ بیرینچی اورینباسری گه اویوشتیریلگن هجومده ۱۰ کیشی هلاک و باشقه ۳۹ کیشی یرهلندی.
طالبان بو هجوم گه قوللری بارلیگی نی رد قیلگن.
بیر هفته آلدین زلمی خلیلزاد دوحه کیتدی و آمریکا تشقی ایشلر وزیرلیگی نینگ اعلامیهسی اساسیده، افغانستانلیکلرارا سوزلشوولر گه زمینه یرهتیش بیلن شغللنگن.
عین حالده، افغانستان مذاکره قیلووچی هیأت اعضالریدن بیری نینگ ایتیشیچه، دولت نینگ مذاکره قیلووچی هیأتی ایرته قطر کیتیش احتمالی بار.
هیأت نینگ مذکور اعضاسی گه کوره، توسیقلیکلر و بهانه اختریشلر بیر آز کمهیگن، بیراق قطرده طالبان سیاسی دفتری سوزلاوچیسی نینگ ایتیشیچه، بو گروه نینگ ۶ جنجللی محبوسی حاضرگچه قطرده انتقال بیریلمهگن.
طالبان محبوسلر بوتونلی قوییب یوباریلمهگنی نی افغانستانلیکلرارا سوزلشوولر باشلنمسلیگی نینگ دلیلی دیگن.
