گلبدین حکمتیار، کاب ده قدرت‌نی قولگه آلیش اوچون 40 ییل قورال کوتردی و قوراللی طالب‌لرنینگ تیزیمی مغلوب بولگنی‌دن کیین، اوتگن 15 ییل‌ده تشقی کوچلرنی بوتونله‌ی چیقاریش و اوز ایسته‌گی بیلن اسلامی حکومت ایجاد ایتیش اوچون کوره‌شدی و نتیجه‌ده برچه ایستک‌لریدن قول تارتیب و افغانستان تینچلیک لایحه‌سیگه قوشیلدی. بیراق، سونگی کونلرده میدیالرنینگ حضوریده چیقگنی‌دن سونگ، خبری بیر ییغینده، قطار میدیالرگه لعنت دیب و باشقه بیرقطار میدیا ترماقلرینی یاوز دیدی.
اسلامی حزب رهبری‌نینگ بو بیانات‌لری، کوپینچه عکس‌العمل‌لرگه روپه‌ره بولدی.
عین حالده، افغانستان ایرکین میدیالریدن حمایه قیلووچی اداره (نی) مسؤول‌لری‌نینگ ایتیشیچه، حکمتیارنینگ بو بیانات‌لری خبرسیزلیگی‌دن دیر.
.jpg)
نی اداره‌سی‌نینگ اجراییه باشلیغی مجیب خلوتگرنینگ ایتیشیچه، افغانستان حکومتی، اوتگن 15 ییل‌ده قولگه کیریتگن یوتوقلرنی سقلب و تینچلیک لایحه‌سیده سوز ایرکین‌لیگی‌گه قرشی بیانات‌لرنینگ آلدینی آلیشی کیره‌ک.
جناب خلوتگرنینگ اورغولشیچه، میدیالر ناقانونی قیزیل چیزیغ و تهدیدلردن قورقیب اساسی ایشلرینی ایس‌دن چیقارمس‌لری لازم. او، میدیا خصوصیده، حکمتیارنینگ بیانات‌لرینی دین‌دن تشقری قانون‌گه قرشی دیب بیله‌دی.
نی اجراییه باشلیغی‌نینگ کوپه‌یتیریشیچه، افغانستان یشاوچیلری تینچلیک ایسته‌یدی و مملکت میدیالری تینچلیک سایه‌سیده کوپراق رواجلنیشی کیره‌ک.
گلبدین حکمتیار، میدیاگه قرشی بیانات بیره‌دیگن بیرینچی کیشی ایمس. بوندن آلدین هم، تیزیم شکلده جمهورلیک ریاستی مطبوعات دفتری‌نینگ وقتینچه‌لیک باشلیغی شاه‌حسین مرتضوی و جمهور رییس‌نینگ اوزی میدیالرگه حقارت قیلگن ایدیلر.
