آمریکا تشقی ایشلر وزیرلیگی، جمهور رئیس اشرف غنی‌نینگ ملی خوفسیزلیک مصلحتچیسی حمدالله محب نی احضارلنتریب و اونگه ایتیشیچه، افغانستان تینچلیگی بوییچه امریکا خاص نماینده‌سی زلمی خلیلزاد آمریکا تشقی ایشلر وزیرلیگیدن نماینده‌لیک قیله‌دی و اونگه قرشی هجوم آمریکا تشقی ایشلر وزیرلیگی گه قرشی هجوم دیر.
جناب محب ژورنالیستلر بیلن صحبت اوتکزیب و زلمی خلیلزاد نینگ جمهور رئیس غنی نینگ آرته گه اوریش و موقت حکومت تشکیل ایتیلیشی خصوصیده عیبله‌گن ایدی.
جناب محب آمریکاده ژورنالیستلر گه صحبت بیریب ایتیشیچه، زلمی خلیلزاد شخصی منفعتی اوچون موقت حکومت قوریب و اونینگ رهبرلیگیده قرار تاپیشی نی ایسته‌یدی.
آمریکا تشقی ایشلر وزیرلیگی حمدالله محب نینگ صحبتی گه قرشی عکس‌العمل بیلدیریب و اونینگ تشقی ایشلر وزیرلیگیده احضارلنتریب ایتیشیچه، خلیلزاد آمریکا تشقی ایشلر وزیرلیگیدن نماینده‌لیک قیله‌دی و خلیلزادگه قرشی هجوم آمریکا تشقی ایشلر وزیرلیگی گه قرشی هجوم دیر.
اوشبو وزیرلیک نینگ اورغولشیچه، بوندی فکرلر تینچلیک پروسه‌سی و کابل-واشنگتن آره‌سیده‌گی علاقه‌لرنی قیینچلیک که روپه‌رو قیله‌دی.
