جمهور رییسغنی اداری فساد ملی اویَت دیب، بو شوم پدیدهنینگ مقابلیده هر تامانلمه کورهشیلیشی اوستیده تاکیدلهگن.
افغانستان جمهور رییسی جناب غنی بو قبل سوزلرنی بوگون اروپا اتفاقینینگ «افغانستانده اداری فسادگه قرشی کورهشیش یولی» نامیده اوتکزگن ییغینیده قیلگن چیقیشده ایتگن. غنی جاری ییل ایچکی ایشلر، ترانسپورت، کانلر و معارف وزیرلیکلریده اداری فسادگه قرشی کورهشیش حکومتنینگ بیرینچی ایشی بولگن لیگینی معلوم قیلگن.
شونینگدیک جمهور رییسغنینینگ مذکور ییغینده، عدالت تامین بولیشی اوچون تخصصی عدلی بیر مرکز ایجاد ایتیلیشی اوستیده تاکیدلهگن.
افغانستان جمهور رییسی، اداری فسادگه قرشی کورهشیش اوچون، حکومتچیلیک و قانون تطبیق ایتیلیشینی نظارت قیلهدیگن بیر کینگش تاسیس ایتیلیشی بارهسیده خبر بیرگن. او، مذکور کینگش ملی امنیت کینگشی و عالی اقتصادی سویهده فعالیت قیلیشی ممکن دیگن.
اونینگ سوزلریگه کوره، زوروانلیک مملکتده اداری فسادنی تحرک بیروچی بیرینچی عامل دیگن. غین، مسوولیتی بولمه گن قوراللی شخصلر ترورچیلر یانیده قدرتنی سوء استعمال قیلیب، میلیونلب انسان جانینی خطرگه روپه ره قیلهدیلر دیگن.
شونینگدیک جمهور رییسنینگ عدلی و قضایی ادارهلر توغریسیده معلوم قیلیشیچه، تیزلیکده اوشبو بولیملرگه هم اوزگریش کیلهدی. جناب غین، سابق حکومت زمانیدن هنوزگچه دولت باشقرهلاوچیلیک ینه عالی محکمهسیده هنوز هم اونلب دوسیه حل بولمهی قالگنلیگی اوستیده تاکیدلهگن.
مملکتنینگ باجخانهلریده ییریک فساد موجود ایکنلگینی تیلگه آلگن جمهور رییس غنی، بو ادارهلرگه هم اصلاحات کیلتیریب فسادچی شخصلر آلدی آلینهدی دیگن.
مملکت رهبری محمداشرفغنی، اداری فسادگه قرشی کورهشیش اوچون آلیب بارگن سعی و حرکتلری نتیجهسیده هنوزگه 45 شرکت قاره رویخطگه کیریتیلگن دیب، یقین زمانده باشقه 11 شرکت مذکور رویخطگه آلینیشیدن خبر بیرگن.
افغانستانده اروپا اتفاقینینگ مخصوص نمایندهسی فرانس مایک میلینینگ هم ییغینده چیقیش قیلیب، مملکتدهگی نابرقرارلیک و خوفسیزلیکنی اداره فساد اوچون ایلک عامل دیگن. حاضر ایسه عمومی خلقنینگ توشینچهسی اداری فساد فایدهسی بولمهگن لیگینی سیزگن دیگن.
اروپا اتفاقینینگ مسووللری جاری ییل باشلهنیشیده افغانستانده فسادگه قرشی کورهشیش کمپاین باشلهگن ایدی. مذکور اداره اوشبو کمپاین اوتکزیلگن لیگیدن بیرینچی مقصد هم اداره فساده مبارز قیلیش اوچون اهالیگه معلومات بیریش بولگن.
مذکور کمپاین آچیلیشی مراسمیده نطق سوزلهگن جناب مایکل فساد بایلرنی بای قیلیب، و قیشالرنی ایسه قشاقرارق قیلهدی دیگن ایدی. افغانستانده اوچون جدی مساله بولگن اداره فساد آلدی آلینمهگن حالده، سونگی اون بیش ییل جریاینده قولگه کیریتیلگن یوتوقلرهم خطرگه روپه ره بولیشی ممکن دیگن ایدی جناب مایکل.
