.jpg)
افغانستان عدلیه وزیرلیگی‌ده تلیفون آرقه‌لی حقوقی مصلحت بیریش خصوصیده بیرینچی مرکز آچیلدی.
عدلیه وزیرلیگی مسؤوللری‌نینگ ایتیشیچه، بو مرکز اجتماعی عدالت تأمین ایتیلیشی، انسانی و یشاوچیلیک حقوقی رواجلنیشی خصوصیده، مذکور وزیرلیک چهارچوبه‌سیده ایجاد ایتیلگن.
بوگون «شنبه» اوشبو مرکزنینگ آچیلیش مراسمی‌ده نطق سوزله‌گن حقوقی مصلحت بیره‌دیگن‌لردن بیری محمد تعمیم حیدری‌نینگ ایتیشیچه، مملکت یشاوچیلری، برچه مخابراتی ترماقلردن 188- رقم‌گه قونغیراق قیلیب حقوقی، مدنی و جزایی قیین‌چیلیک‌لری توغریسیده اوشبو مرکزدن پول‌سیز مصلحت آلیب بیله‌دی.
عدلیه وزیرلیگی‌نینگ اداری اورین باسری سید محمد هاشمی‌نینگ ایتیشیچه، اوشبو مرکز 1.5 میلیون افغانی خرجت کوترگن و بو مرکزنینگ ایشی ایلگری آلیب باریلیشی خصوصیده، حاضرگچه 10 کیشی تعلیمات کورگن.
اوشبو مرکز، مملکت یشاوچیلریدن کوپینچه‌سی اساسی حقوقلری و عدلی‌و قضایی اداره‌لرنینگ مسؤولیت‌لری نیمه‌لیگی توغریسیده یخشی بیر شکلده خبر بولمه‌گن بیرچاغده آچیلگن و حقوقدانلر ایسه، مذکور مرکز ایجاد ایتیلیشی‌نی اهالی‌نینگ توشونچه‌سی یوقاری کیتیشی خصوصیده اونملی دیب بیله‌دیلر.
