ایچکی ایشلر وزیرلیگی نینگ بیرخبرنامه نشر قیلیب ایتیشیچه، حسین عزادارلریگه هجوم قیلیشنی ایسته‌گن 9 کیشی‌لیک بیر گروه پولیس خاص کوچلری تامانیدن قولگه آلینگن.
خبرنامه‌ده ایتیلیشیچه، پولیس خاص کوچلری کابل شهریده هدف‌لی بیر عملیات یولگه قوییب، حسین عزادارلریگه قرشی هجوم قیلیشنی ایسته‌گن بیر تروریستی گروه‌نی قولگه آلگن.
ایچکی ایشلر وزیرلیگی نینگ اعلان قیلیشیچه، اوشبو عملیات اوتگن کیچه کابل شهری نینگ 5- امنیتی حوزه‌سیگه تیگیشلی منطقه‌ده اویوشتیریلگن.
ایچکی ایشلر وزیرلیگی نینگ اعلان قیلیشیچه، حسین عزادارلریگه قرشی هجوم قیلیش قرارینی قیلگن تروریست‌لرنینگ سانی 9 کیشی دیر و اولردن بیری عیال دیر.
خبرنامه‌ده ایتیلیشیچه، تروریست‌لر کوته‌سنگی منطقه‌سیده حسین عزادارلرینی هجوم آستیگه قرار بیریش‌گه قرار قیلگن ایکن.
مذکور کیشی‌لر ختیاریدن پارتلش ماده جایلشتیریلگن ایکی واسکت و 6 ته قول بمبی پولیس قولیگه توشگن.
ایچکی ایشلر وزیرلیگی نینگ اعلان قیلیشیچه، کابل شهری نینگ 12- امنیتی حوزه سیدن هم 5 کیشی‌لیک تروریستی بیر گروه قولگه آلینگن.
اوشبو وزارت نینگ اعلان قیلیشیچه، کابل شهریده عاشورا ایامیدن نشانلش اوچون خاص امنیتی تدبیرلر قولگه آلینگن و اوشبو مراسم امنیتی‌نی برهم اوروش اوچون هیچ‌بیر گروه‌گه رخصت بیریلمه‌یدی.
