بغلان ولایتیدهگی سونگی ناتینچلیکلر، ولایتی کینگش نمایندهلرینینگ خواطرلربیلن روپهره قیلگن. بو نمایندهلر؛ حکومت، بغلانگه توجه قیلمه گن صورتده مذکور ولایت مرکزی سقوط قیلهدی دیب هشدار بیرهدیلر.
بوگون بغلان ولایتی کینگش باشلیغی صفدر محسنینینگ بیرخبری ییغینده چیقیش قیلیب ایتیشیچه، امنیتی کوچلر اویغورسیزلیگی، قانیقرلی شکلیده نظامی جهازلربولمهگنلیگی، ولایت والیسی و پولیس باشلیغی یوقلیگی و اوروش مدیریتینی ضعیفلیگی سبب بولگن تا بو ولایت امنیتی کوچلرینینگ روحیهسی ضعیف بولسه و بغلان ایریم منطقهسی سقوط گه روپهره بولگن.
جناب محسنی، حکومتدن ولایت کلیدی بولیملریده طالبستیز کیشیلرتنلهنیشی و طالبلرگه قرشی عملیاتلر بیرقولده بولیشینی ایستهدی.
بغلان ولایتی کینگش باشلیغیگه کوره، شوحاضر مرکزی بغلان و دندغوری تومنلریدن 18 پولیس پوسته سینینگ برچه جهازلری بیلن طالبلر اختیاریگه قالگن.
بغلان ولایتی کینگش باشلیغی، مرکزی حکومت بولر ایستهکیگه توجه قیلمهگن صورتده، یوکسک ناراضلیکلر یولگه قویشلری بیلن خلقگه مراجعت قیلیش هشدارینی بیرهدی.
بغلان ناتینچلیگی ولایت یشاوچیلرینی هم خواطرگه سالگن.
بغلان تینچ اهالیسی، بو ولایت امنیتی کوچلرینینگ کمیت جهتدن تهدیدلر یوقهتیشگه قانیقتیررلی ایمس و مرکزی حکومت مذکور تهدیدلرنی سطحی بیلمه سین دیگنلر.
شونینگدیک بغلان یشاوچیلری، ولایت مسؤوللرینی امنیت تأمین ایتیشگه کوچلری ایتمه گنلیککه متهم قیلهدیلر و جنگری گروهلر آلدینی آلیشگه حرکت قیلمهگن صورتده، بغلان امنیتی وضعیتی کندوزدن کوره یمان بولیشینی تیلگه آلهدیلر.
بغلانده ناتینچلیکلر کوپهیب باریشی بیلن مذکور ولایت کلیدی پُستلری جملهدن ولایت و پولیس باشقرمهسی سرپرستلر رهبرلیگیگه قالگن.
بغلان ولایتی کینگش اعضاسیگه کوره، ناتینچلیکلر پلخمری شهرینینگ ایشیگیگه قدر ییتیب کیلگن و هرکون اوتیشی بیلن امنیتی پوستهلر طالبلر قولیگه توشهدی.
ایتیشلرگه کوره، هرکون اوتیشی بیلن بغلان ولایتیده طالبلر گروهی نفوذلهنیب بارماقده.
