مملکتده بیر ادارهنینگ یوتوقی و تنیقلیگینی تضمین قیلهدیگن نرسه، اداره تامانیدن دقیق رقم و حسابات فایدهلنیش و رقم و حسابات اساسیده، حسابلرینی بنا قیلیش دیر. شوندهی بیرحالده، حسابات مرکزی اداره مسؤوللرینینگ ایتیشیچه، اوشبو اداره ییلده تیکشیروولر، جاری رقم، تحلیللر و تورلی طریقهلر آرقهلی اقتصادی، اجتماعی و سیاسی بولیملرده حساب و رقم توپلب و نشر قیلهدی، بیراق مملکت وزیرلیکلری و ادارهلریده حساب و رقمدن فایدهلنیش مدنیتی حاضرگهقدر قویی دیر.
مملکت وزیرلیکلری و ادارهلریده تحلیل ظرفیتی قویی بولگنی بو ایشنی اساسی سببی سنلهدی.
سلاموطندار بیلن صحبت اوتکزگن حسابات مرکزی ادارهسینی اورین باسری حسیبالله موحد، اونملی استراتیژی ریجه و توزهلیشیده رقمدن فایدهلنیشنی اونملی دیب و بو توغریده ایتیشیچه، حسابات مرکزی ادارهسینینگ رقمیدن فایدهلنیش تیکشیروولر نتیجهسیگه کوره، اوتگن 17 ییلده دولت و خصوصی بولیم استراتیژی توزهتماقده حسابات رقمیدن یالغیز 10 دن 12% فایدهلنیلگن. بو رقم ایریم وزیرلیکلرده 1% گه ییتیشهدی. جناب موحدگه کوره، سونگی ییللرده یالغیز سالیق و اقتصاد وزیرلیکلری و مرکزی بانک نشر ایتیلگن رقمدن فایدهلنگن.
حسابات مرکزی ادارهسی اورین باسرینینگ اورغولشیچه، برچه وزیرلیکلر تامانیدن استراتیژی توزهتیش و ریجه بولیمیده رقمدن فایدهلنیش میزانی 100% ییتیشیب و وزیرلیکلر برچه قرارلرینی رقم اساسیده آلگن صورتده، قیینچیلیکلر 80% حل ایتیلیشی ممکن، بیراق حاضرگچه مذکور اداره تامانیدن نشر ایتیلگن رقمدن کوپلب تشقی ادارهلر و بیرلشگن ملتلر نمایندهلیکلر فایدهلنگن.
جناب موحدنینگ بو توغریسیده ایسلشیچه، مملکت تدقیقاتچیلریدن بیرقطاری، نیاز بولگن رقملرینی تشقی ادارهلردن آلهدی، لیکن اصلیده برچه رقم حسابات مرکزی ادارهسینینگ آلدیده دیر. موحدنینگ ایشانچی گه کوره، بو ینگیلیکده رواجلنگن مملکتلرنینگ یشاوچیلرینی آرهسیده عادی بیر خصوصیات بولگن.
باشقه تاماندن، اقتصاد ایش بیلرمانلرینینگ ایشانچی گه کوره، مملکتده قیینچیلیکلر اینیقسه کمبغللیک و ایش سیزلیک حل ایتیلیشی توغریسیده حسابات و رقمدن دولتی ادارهلر و وزیرلیکلرنینگ فایدهلنیشی منفعت کیلتیرهدی.
کابل بیلیم یورتیده اقتصاد فاکولتهسینی اوقیتووچیسی رضا فرزامنینگ ایتیشیچه، مملکتده جاری وضعیتدن یخشی بیر شکلده خبردار بولیش اوچون حساب و رقمدن فایدهلنیش لازم و بو ایش وضعیت یخشی بیر شکلده اوزگریشی توغریسیده یاردم بیرهدی.
عین حالده، حسابات مرکزی اداره مسؤوللرینینگ ایتیشیچه، حساب و رقمدن فایدهلنیش اوچون اورگهتیش برنامهلر قولگه آلینگن و شونینگدیک، هر بیر ولایتده حسابات خذمتلرینی ارایه ایتیش بیر مرکز ایجاد ایتیلهدی. حسابات مرکزی ادارهسی ایسه ایچکی ناخالص محصولات، کمبغللیک، ایش سیزلیک، کیملیک درآمد و باشقه مسئلهلر توغریسیده رقم ترقتهدی.
