گلبدالدین حکمتیار رهبرلیگیده‌گی حزب اسلامی نینگ مخصوص نماینده‌سی امین کریم، دنیا جماعه چیلیگی اینیقسه امریکه قوشمه ایالت‌لری‌نینگ افغانستان تینچ لیک مذاکره‌سی اوچون موقفی هنوز معلوم ایمس دیگن.
انه شو مساله تینچ لیک مذاکره‌سی نتیجه‌سیز قالیشی‌گه باعث بولگن دیگن.
عین حالده او، سونگی اوچ هفته‌ده عالی تینچ‌لیک کینگشی‌نینگ رسمیلری بیلن ایکّی مرته مذاکره قیلینگن لیگینی ایتگن.
جناب کریم نینگ سوزلریگه کوره، تیزیم قوریلیشی، سیاسی توزیلیش، سیلاولر قنده‌ی اوتکزیلیشی و مملکت‌ده امنیت تامین ایتیلیشی کبی مساله‌لر اوستیده عالی تینچ لیک کینگشی بیلن کیلیشیلگن دیگن. ایتیلیشیچه، بو توغریده حجت هم تیار لنگن.
پنج شنبه کونی (7 اپریل) گه اشاره قیلگن حکمتیارنینگ مخصوص نماینده‌سی اولتیریش‌لرنی ثمره‌لی بهاله‌گن. شونینگ‌دیک یقین کونلرده افغانستان عالی تینچ‌لیک کینگشی بیلن اوچینچی دور مذاکره‌لر اوتکزیلیشی ممکن دیگن. لیکن، هنوزگچه عالی تینچ لیک کینگشی بو توغریده بیرار نرسه دیمه گن.
شونینگ‌دیک جناب امین کریم، بوندن آلدین گی سوزلریده حکومتده‌گی بعضی معین گروه‌لر اوز منفعت‌لرینی تینچ لیک مذاکره‌سی‌گه کورمیدیلر دیگن ایدی.
